د بەرێدا دگۆتن پێکڤەژیان ناڤەرۆکا مرۆڤاتییێ یە، شنگال وەکو دەڤەرەکا تێکەل ژ نەتەوە و ئول و مەزھەبا پێکڤەژیان ناسناما وێ بوو، باب و کالێت من دگۆتنە من کورێ من کەسەکێ ئیزدی ھەبوو دگۆتنێ (ئەبو جوقی) کابرایەک زەنگین وپێچێبووی بوو، بوو خوەدیێ ماکینا و ترۆمبێلێن ئاڤاکرنێ و سلنگ و حەفارە…، ل سەر کیستێ خوە چیمەنتۆ و پێدڤییێن ئاڤاكرنێ ل سەر مزگەفتێن شنگالێ دابەشدکرن، دیسان کرێکارێن (بابێ جوقی) ھەر ئێزدی بوون پێکڤە کاردکرن ژبۆ ئاڤاکرنا مزگەفتان، ئاھا ئەڤەبوو ئەو دەڤەرا خەملین ژھەمی جۆرە مرۆڤان..
دیسان ل دەڤەرا شێخان جەنابێ میرێ ئێزدیان (سەعید بەگ) پارچە زەڤییەك ل سەر کیستێ خوە کرە دیاری ژبۆ ئاڤاکرنا مزگەفتەکێ، ما پێکڤەژیان دێ یا چاوا بیت زێدەتر؟
كوردستان ب دهستێت ئێك نفش و ئول ئاڤا نهبوويه، بهلكو ب كهدا پێكڤه يا موسلمان و ئيزديان و ديسان كرستيانا يا ئاڤابووى، نموونه د شهڕ و شۆڕهشاندا ل دژى ڕژێمێن كهڤن و تیرۆرستێن داعشێ ههڤچهپهر بوون.
پێغەمبەرێ مە (س.خ) دبێژیتن (إن أعظم الناس فرية لرجل هاجى رجلًا؛ فهجا القبيلة بأسرها) ئانکو مەزنترین زولم و نەحەقی ئەوە دەماکو کەسەک خەلەتییەکێ بکەت و وێ خەلەتییێ ب عێل و عربان وھۆزێن وان ڤەکەت و بوختانا ب دویڤ وانڤەنیت ژبەر خەلەتییا ئیک یان ھندەک کەسان، ل سەر بوویەرا شنگالێ دڤێت پرسیارەکێ ژخوە بکەین و من باوەرە گەلەک ھزركرن پێ نەڤێت ھەتاکو بەرسڤێ بدەین، ئەرێ ماچێدبیت ئەو کەسێ ئەز و مالباتامن وجیرانێت من و کەس و کارێت من کوشتین و تالانکری، ژبلی کرێتکرنا نامیسان، دیسا بھێت ببیتە جیرانێ من ؟
ئەرێ ما د شیاندایە ئەڤ کارەساتە زوی بھێتە ژبیرکرن، ئەڤرۆکە من نموونەیەک دیت ل سەر مرنا برایێ ھەڤالەکێ من ل نەخۆشخانەكا دھۆکێ.
ئیكی وەسا گۆت: باوەرکە تانوکە ئەز نەشێم بچمە وێ خەستێ و من نەخۆشی یێ دگەل وێ نەخۆشخانێ ھەین، ئەڤجا دێ چاوا کەسەک شێت دوژمنەکێ پیس وەكی (داعش)ێ دیسا کەتە دۆست و ھەمی رۆژا ببینیت. ل شنگالێ خیزانێن موسلمان سونە و شیعە مەزھەب یێ دژین، ئانکو پشتی (جینۆسایدێ) بێ کو کەسەک دژ بیت یان ناکۆک بیت، لێ ھەلبەت چ دەست و ھەڤکاری د گەل (داعش) نەبوون.
ئەڤجا پێکڤەژیان ناسناما گەلانە و ئاشتی سالوخەتێن مرۆڤانە، توندڕەوی ب تنێ نەمانە.
