د.سالم جاسم، ڕێڤەبەرێ سەنتەرێ ڤەكۆلینێن جینۆسایدێ ل زانكۆیا دهۆك و ئەندامێ لژنا ئامادەكاریا كۆنفرانسی بۆ ئاژانسا خانی ڕاگەهاند، ئەڤرۆ كۆنفراسەكێ جیهانی و زانستی ل سەر جینۆسایدا دژی كوردێن فەیلی ب ئامادەبوونا سەرۆك بارزانی و چەندین بەرپرسێن بلند یێن حكومەتا عیراقێ و هەرێما كوردستانێ هاتە ئەنجامدان، ئەڤ كۆنفراسە بۆ دەمێ سێ ڕۆژان دێ یێ بەردەوام بیت، و ژ32 پەنەلان پێكهاتیه و 109 ڤەكۆلەر دێ بابەتێن خۆ پێشكێش كەن.
د.سالم جاسم گۆت، تەوەرێن كۆنفرانسی پێكدهێن ژ سیاسی، یاسایی، كۆمەلناسی، دەرووناسی، ئەدەب و هونەری، مەرەم ژ كۆنفراسی ژی ئەڤ جینۆسایدێن دژی كوردان هاتینە ئەنجامدان ژ لایێ زانستی و ئەكادمی و سیاسی ڤە زێدەتر گرنگییێ بدەینێ و نەهێنە ژبیركرن و كوردێن فەیلی ژ پێكهاتهیێن كوردی بهێنە نیاسین.
ئەندامێ لژنا ئامادەكاریا كۆنفرانسی دیاركر، ل دووماهیكا كۆنفرانسی دێ هندەك ڕاسپاردە هەبن كو مافێن كوردێن فەیلی یێن یاسایی و یێن عیراقی بوونێ بهێنەدان و ڤەگەڕاندن، هەروەسا دێ داخوازا قهرهبووكرنا قوربانیێن ئهڤێ جینوسایدێ ژ لایێ ماددی و مەعنەوی بهێتهكرن.
