شاندەکێ کۆلیژا بەڕەڤانییا نیشتیمانی یا عیراقێ ب مەرەما باشترکرنا پەیوەندی و هەڤکاری و هەماهەنگییا دناڤبەرا هەرێما کوردستانێ وعیراقێ دا و گرنگیدانا زێدەتر ب بوارێ سەربازی ژ ڕوویێ ئەکادمیڤە سەرەدا هەولێرێ کریە.
ئەڤرۆ شەمبی 6 گولانا 2023، ل فرۆکەخانەیا نێڤدەولەتییا هەولێرێ، شیرەتکارێن سەربازی یێن سەرۆکایەتیا هەرێما کوردستانێ و جێگرێسەرۆک ئەرکانی بۆ مەشق و ئۆپەراسیۆنێن وەزارەتا پێشمەرگەی و ژمارەک ژ ئەفسەرێن بلند یێن وەزارەتێ، پێشوازی ل شاندەکێ بلند یێکۆلیژا بەڕەڤانییا نیشتیمانی یا عیراقێ کر.
دەربارەی ئارمانجا سەرەدانێ وەزارەتا پێشمەرگەی ڕاگەهاند، ئارمانج ژ سەرەدانا شاندێ کۆلیژا بەڕەڤانییا نیشتیمانی یا عیراقێ بۆباشترکرنا پەیوەندی و هەڤکاری و هەماهەنگییا دناڤبەرا هەردوو لا دا یە، ژ ڕوویێ زانستی و گرنگیدانا زێدەتر ب بوارێ سەربازی ژ روویێئەکادمیڤە.
وەزارەتا پێشمەرگەی ئاماژە کریە، بڕیارە شاندێ کۆلیژا بەڕەڤانییا نیشتیمانی، چەند رۆژان ل هەرێما کوردستانێ بمینن و سەرەدانا چەندناڤەند و یەکەیێن ئەکادمی و سەربازی یێ سەر ب وەزارەتا پێشمەرگەی ڤە بکەن.
