د. خەلیل غازی: ئەو ماده‌ و برگێن زیانێ دگه‌هیننه‌ هه‌رێما كوردستانێ دێ هێنه‌ راستڤه‌ كرن

ئاژانسا خانی:

ئەڤ شەڤه‌ لژنا دارایی ل پەرلەمانێ عێراقێ دێ ل گه‌ل وەزیرێ دارایی کۆم بیت بۆ دانوستاندنێ ل سه‌ر بابه‌تێ پرۆژا قانوونا بوجه‌یێ عیراقێ و هه‌روه‌سا لژنا دارایی چه‌ندین تێبینى و پرسیارێن وه‌زاره‌تان د زۆرن ل سه‌ر بودجه‌یی و ئه‌و دێ وان بابه‌تان ل گه‌ل وەزیرێ دارایی ئێکلا كه‌ن” ئەندامه‌كێ لژنا دارایی ل پەرلەمانێ عێراقێ” ل سه‌ر فراكسیۆنا پارتی دیموكراتی كوردستان، وه‌لاتی یێن ھەرێمی کوردستانێ پشت راست دكه‌ت” كو شایستێن دارایی یێن خەلكێ ھەرێمێ دناڤا پڕۆژە قانوونا بودجەیێ عێراقێ دی د پاراستی بن و ئەو مادێن گۆمان ل سه‌ر هه‌ین دێ هێنه‌ راسته‌ڤه‌كرن.

د. خەلیل غازی، زێده‌تر بۆ ئاژانسا خانی دیار كر: ئەو مادە و بڕگێن دناڤا  پڕۆژە قانوونا بودجەیێ گشتی یێ عێراقێ” یێن كو دهێنه‌ به‌حس كرن و دبێژن” ل دژی ھەرێما کوردستانێ نه‌” دێ هوێن راستڤه‌كرن و ھەموو ئەو ماده‌ و بڕگێن كو د بەرژەوەندییا هه‌ڕیما كوردستانێ دا نیین” وەکو تێبینی لده‌ف مه‌ هه‌نه‌ و دێ هێنه‌ راسته‌ڤه‌كرن، ھەر برگه‌كا گۆمان ل سەر هه‌بیت و زیانێ بگه‌هینیته‌ خه‌لكێ هه‌رێما كوردستانێ دێ هێته‌ راستڤه كرن و رێكێ ناده‌ین ده‌رباز ببیت.

ناڤهاتی گۆت ژی: وه‌لاتی یێن ھەرێما کوردستانێ پشت راست دكه‌ین” كو  شایستەیێن دارایی یێن خەلکێ ھەرێما کوردستانێ دێ دناڤا پرۆژه‌ قانوونا بودجه‌یێ گشتی یێ عیراقێ دا د پاراستی بن و چ مەترسی ل سەر نینە”.

لەبارەی دەنگدان لەسەر پڕۆژەیاسای بودجە، غازی گوتی:

د. خه‌لیل هێشتا دبێژیت: بزاڤێن مه‌ وه‌كو ئه‌ندامێن جڤاتا نوونه‌ران د به‌رده‌وامن بۆ هندێ كو پرۆژه‌ قانوونا بودجه‌یی نه‌گه‌هیته‌ دووماهییا ڤێ هه‌یڤێ و بریار ل سه‌ر بهێته‌ دان، ئه‌م ب هیڤینه‌ كو هه‌تا 20 ی ڤێ هه‌یڤێ پڕۆژە قانوونا بودجەیی بێخنه‌ ده‌نگدانێ و بهێته‌ پەسەند كرن.