كۆمبوونه‌ك ل دۆر هنارده‌كرنا به‌رهه‌مێن چاندنێ یێن كوردستانێ بۆ پارێزگه‌هێن عیراقێ هاته‌ كرن

نوونه‌رێ حكومه‌تا هه‌رێما كوردستانێ و وه‌زیرێ چاندنێ به‌حس ل بابه‌تێن ئاڤێ و هنارده‌كرنا به‌رهه‌مێن چاندنێ یێن هه‌رێما كوردستانێ بۆ پارێزگه‌هێن عیراقێ كر.

ل دووڤ راگه‌هاندنه‌كێ، سه‌رۆكێ نوونه‌رایه‌تییا حكومه‌تا هه‌رێما كوردستانێ ل به‌غدا پێشوازى ل وه‌زیرێ چاندنێ یێ هه‌رێما كوردستانێ و شاندێ دگه‌لدا كر.

دكۆمبوونه‌كێدا به‌حسا ره‌وشا هه‌رێما كوردستانێ ب گشتى و كه‌رتێ چاندنێ ب تایبه‌تى هاته‌كرن.

دپشكه‌كا دییا دیدارێدا په‌یوه‌ندییێن دناڤبه‌را هه‌ولێر و به‌غدا دا و ب تایبه‌تى كه‌رتێ چاندنێ هه‌روه‌سا رێكارێن مۆكۆمكرنا په‌یوه‌ندییان دناڤبه‌را هه‌ردوو وه‌زاره‌تێن چاندنێ و ژێده‌رێن ئاڤێ یێن فیدرال و هه‌رێما كوردستانێدا هاتنه‌ گوتوبێژكرن.

دراگه‌هاندنێدا هاتییه‌، سه‌رۆكێ نوونه‌رایه‌تییا حكومه‌تا هه‌رێما كوردستانێ ل به‌غدا خوازیارا مۆكۆمكرنا هه‌ماهه‌نگى و هاریكارییا دناڤبه‌را هه‌ردوو وه‌زاره‌تاندا بوو، ب تایبه‌تى ل بوارێ هنارده‌كرنا به‌رهه‌مێن چاندنێ یێن هه‌رێما كوردستانێ بۆ پارێزگه‌هێن عیراقێ.