خدر مەنتك، پەرلەمانتارێ فڕاکسیۆنا پارتی ل پەرلەمانێ عیراقێ بۆ ئاژانسا خانی ڕاگەهاند، دەمێ نێچیرڤان بارزانی، سەرۆکێ ھەرێما کوردستانێ ل حەفتییا بوری سەرەدانا بەغدا کری سەرۆکوەزیرێن عیراقێ سۆزدایە نێچیرڤان بارزانی دێ پێگیرییێ ب ھنارتنا مووچەیێ فەرمانبەران بکەت و مووچە دێ ھێنە دابینكرن، هەروەسا د دەمێ نوکەدا ھەمی ئاماژە بۆ ئەڤێ چەندێ نە محەمەد شیاع سوودانی دێ پێگیریێ ب رێكکەڤتنا دگەل ھەرێما کوردستانێ کەت و دەست ب چاکسازیان کرییە دناڤ حوکمەتا عیراقێدا.
خدر مەنتک دیاركر، ئەم گەشبینین ب بزاڤێن سوودانی بۆ چاکسازی و باشترکرنا رەوشا عیراقێ، بڕیار و پێنگاڤێن سەرۆکوەزیرێن عیراقێ د چەند ھەیڤێن بووریدا نیشانا ئەڤێ چەندێ یە سوودانی یێ بزاڤان دکەت سۆزێن خۆ بجهبینیت، ئەگەر رەوشا عیراقێ چ گھۆڕین تێدا پەیدا نەبن ئەڤە ل سەر دەمێ پێنج کابینێن بووری ھەتا نوکە کەس نەشیایە وەك سوودانی چاکسازیان بکەت.
