سه‌رۆكوه‌زیران مه‌سرور بارزانى سه‌ره‌خۆشى ل عه‌لى عه‌ونى كر

سه‌رۆكێ حكومه‌تا هه‌رێما كوردستانێ سه‌ره‌خۆشى ل عه‌لى عه‌ونى كر بۆ وه‌غه‌ركرنا بابێ وى پێشمه‌رگه‌یێ خه‌باتكه‌ر و تێكۆشه‌رێ ناڤدار عه‌ونى نعمه‌ت.

مه‌سرور بارزانى سه‌رۆكێ حكومه‌تا هه‌رێما كوردستانێ دپه‌یوه‌ندییه‌كا تله‌فۆنیدا سه‌ره‌خۆشى ل عه‌لى عه‌ونى ئه‌ندامێ كۆمیته‌یا ناڤه‌ندى و به‌رپرسێ لقا ئێك یا پارتى دیمۆكراتى كوردستان كر بۆ وه‌غه‌ركرنا بابێ وى پێشمه‌رگه‌یێ خه‌باتكه‌ر و تێكۆشه‌رێ ناڤدار عه‌ونى نعمه‌ت.

سه‌رۆكێ حكومه‌تێ سه‌ره‌خۆشى و هه‌ڤخه‌مییا خۆ ب عه‌لى عه‌ونى گه‌هاند و هیڤى خواستن خۆدایێ مه‌زن گیانێ خۆدێ ژێ رازى ل به‌هه‌شتێ شاد بكه‌ت و سه‌بر و ئارامییێ ب كه‌سوكار و بنه‌مالا وى بده‌ت.

دبه‌رامبه‌ر دا عه‌لى عه‌ونى سوپاسى و پێزانینێن خوه‌ و بنه‌مالا خوه‌ بۆ په‌یوه‌ندى و هه‌ڤخه‌مییا سه‌رۆكێ حكومه‌تا هه‌رێما كوردستانێ ده‌ربرین.