<h3 style="text-align: justify;"><span style="font-size: 18pt;">بریكارێ وهزیرێ دارایى یێ عیراقێ دبێژیت: دڤان دوو رۆژاندا 400 ملیار دینار دێ چنه سهر هژمارا حكومهتا ههرێما كوردستانێ، پێشبینى دهێتهكرن ههتا دووماهییا ڤێ ههیڤێ پهرلهمان دهنگى ل سهر پرۆژه قانوونا بودجهیا 2023ێ بدهت.</span></h3> <h3 style="text-align: justify;"><span style="font-size: 18pt;">مهسعوود حهیدهر بریكارێ وهزیرێ دارایى یێ عیراقێ دیاركر، رێكارێن كارگێرى یێن هنارتنا 400 ملیار دیناران تمامبووینه و دڤان دوو رۆژاندا پاره دێ چیته سهر هژمارا حكومهتا ههرێما كوردستانێ، ئهڤه د دهمهكیدایه رۆژا 18ى نیسانا بوورى جڤاتا وهزیرێن عیراقێ كۆمببوو و ب بههرا پتر یا دهنگان بریاردا بودجهیهك بۆ ههرێما كوردستانێ بهێته هنارتن كو كوژمه 400 ملیار دینارن و بو مووچهیێ فهرمانبهرێن ههرێما كوردستانێ نه.</span></h3> <h3 style="text-align: justify;"><span style="font-size: 18pt;">عیراق 400 ملیار دیناران بۆ ههرێما كوردستانێ ب هنێریت ژى دێ ههر كورتئینان بۆ مووچهیێ ههیڤا نیسان دروست بیت، ژبهركو وهزارهتا دارایى و ئابوورییا ههرێما كوردستانێ بۆ بهلاڤكرنا مووچهیێ مووچهخۆرێن ههرێما كوردستانێ پێدڤى ب زێدهترى 900 ملیار دینارایه كو ژ وى پارهى 200 ملیار دینار ژ داهاتێ ناڤخۆ بهردهست دبن و زێدهتر ژ 700 ملیار دیناران ژى ژ داهاتێ پهترۆلێ یه، لێ ژ دووماهییا ههیڤا ئادارێ هنارتنا پهترۆلا ههرێما كوردستانێ هاتییه راگرتن ئانكو ڤێ ههیڤێ چ پاره ژ داهاتێ پهترۆلێ ل بهر دهست نابیت.</span></h3>
