جڤاتا وەزیران ب ئامادەبوونا تیمێ ئێکەتییێ دێ کۆمبیت

کۆمبوونا جڤاتا وەزیرێن هەرێما کوردستانێ و نوونەرێن تیمێ ئێکەتییێ ب دوماهی هات و ل گۆرەی زانیارییان، تیمێ ئێکەتییێ بڕیار دایە د کۆمبوونا بهێت دا پشکداریێ بکەن.

ئەڤرۆ چارشەمبی 10 گۆلانا 2023، کۆمبوونەک دەربارەی میکانزما ڤەگەڕیانا ئێکەتییێ بۆ کۆمبوونێن جڤاتا وەزیران برێڤەچوو، ئامانج ڕەحیم، سکرتێرێ جڤاتا وەزیران و دارا ڕەشید، وەزیرێ پلاندانانێ وەکو نوونەرێ تیمێ ئێکەتییێ، دگەل ئومێد سەباح، سەرۆکێ دیوانا سەرۆکایەتییا جڤاتا وەزیران کۆمنوون.

ل گۆرەی زانیارییان، د کۆمبوونێدا هەردوو لا گەهشتنە خالا هەڤپشک دەربارەی ڤەگەریانا تیمێ ئێکەتییێ بۆ کۆمبوونێن جڤاتا وەزیران.

دهێتە زانین، هەر د کۆمبوونێدا ئامادەکاری بۆ نڤیسینا کارناما کۆمبوونا داهاتی یا جڤاتا وەزیران هاتە کرن، کو بڕیارە ل ڕۆژا ئێکشەمبییا داهاتی بهێتە کرن.