وەزارەتا خواندنا بلند: ئه‌زموونێن خواندنا ماستەر و دکتۆرایێ دێ د ده‌مێ خۆدا هێنه‌ كرن

دەنگۆیێ پاشخستنا ئه‌زموونان بۆ خواندنا ماستەر و دکتۆرایێ به‌لاڤبوویه‌ و په‌یڤدارێ وەزارەتا خواندنا بلند دبێژیت، ئه‌زموون نه‌هاتینه‌ پاشخستن و دێ د ده‌مێ خۆ دا و ل 29 ی ڤێ هه‌یڤێ هێنه‌ كرن.

عەباس ئەکرەم، په‌یڤدارێ وەزارەتا خواندنا بلند و ڤه‌كۆلینێن زانستی ل هەرێما کوردستانێ گۆت، “هەموو دەنگۆیێن پاشخستنا ئه‌زموونان بۆ خواندنا ماستەر و دکتۆرا رەتدكەین، ئه‌زموون دێ ل 29 گولانێ هێنه‌ كرن.

ل 2 ی نیسانێ ده‌مێ پێشکێشکرنێ بۆ ماستەر و دکتۆرا دەستپێکرییه‌ و هه‌تاکو 18 ی گولانا 2023 ێ دێ یا بەردەوام بیت؛ ئه‌زموونا شییانێن زانستی دێ ل رۆژا دوشەمبی 29 ی گولانا 2023 ێ هێنه‌ كرن و دەستپێکا خواندنێ دێ كه‌ڤیته‌ هه‌یڤا 9.