ده‌رییێ سنۆرییێ پێشابوورێ بۆ ده‌مه‌كێ نه‌دیار هاته‌ گرتن

ده‌رییێ سنۆرییێ نێڤده‌وله‌تییێ پێشابوورێ دناڤبه‌را باشوور و رۆژئاڤایێ كوردستانێدا هاته‌ گرتن، ژێده‌ره‌كى دیاركر، ژ ئه‌ڤرۆ هه‌تا ده‌مه‌كێ نه‌دیار ده‌روازه‌ ژلایێ باشوورى بۆ رۆژئاڤایێ كوردستانێ دێ یێ گرتى بیت.

ژێده‌ره‌كى ژ ده‌روازه‌یێ نێڤده‌وله‌تییێ پێشابوورى بۆ ئاژانسا خانى راگه‌هاند، ئه‌ڤرۆ ده‌روازه‌ هاتییه‌ گرتن و هاتنوچوون 100%ێ تێدا هاتییه‌ راگرتن، و ئه‌ڤ داخستنه‌ دێ هه‌تا ده‌مه‌كێ نه‌دیاركرى بیت.

ده‌رییێ نێڤده‌وله‌تییێ پێشابوورێ ئێك ژ ده‌رییێن سنۆرى یێن گرنگێن دناڤبه‌را باشوور و رۆژئاڤایێ كوردستانێدایه‌، ژبلى‌ مه‌ره‌مێن مرۆڤى، ده‌رییه‌كێ گرنگێ ئابوورییه‌ بۆ رۆژئاڤایێ كوردستانێ، 60%ێ یا كه‌لوپه‌ل و خوارنێ ب رێكا ڤى ده‌رییێ سنۆرى بۆ رۆژئاڤایێ كوردستانێ دهێنه‌ هنارتن.