کاڤین شێخ سەعید: پێدڤییە لایەنێن سیاسی کار ل سەر پێشنیازا سەرۆك بارزانی بکەن

ئاژانسا خانی: تایبەت

ئەندامەکا پەرلەمانێ عێراقێ ئاشکراکر، ڤەکرنا یادگەھا بارزانییێ نەمر پێنگاڤەکا پیرۆزە بۆ ناساندنا زێدەتر یا رێبازا بارزان و دبێژیت: پێدڤییە ھەموو لایەنێن سیاسی کار ل سەر پێشنیازا سەرۆك بارزانی بکەن بۆ چارەسەرکرنا ئاریشەیان.

کاڤین شێخ سەعید، ئەنداما پەرلەمانێ عێراقێ بۆ ئاژانسا خانی دیارکر، ڤەکرنا یادگەھا نیشتیمانییا بارزانییێ نەمر ل بارزان جھێ شانازییا ھەموو مللەتێ کوردو مرۆڤەکێ نیشتیمان پەروەرە، ژبه‌ركو بارزان و دیرۆکا بارزان پێدڤی ب ڤەکۆلینێن ئەکادیمی و زانستی ھەیە ل دۆر کەلتوور و رێبازا بارزان  ب گشتی و خەباتا بارزانییێ نەمر ب تایبەت، ئەو قانوونێن ب درێژاھییا چەرخێ بووری ل بارزان ھاتینە بجهئینان دڤێت ل ھەموو کوردستانێ بھێنە زیندی کرن و بجهئینان، ژبه‌ركو ل سەر ئاستێ جیھانێ سەرکردە و بیرمەندێن مەزن دیدەڤانییێ بۆ شۆڕه‌ش و بەر خۆدانێن بارزان ددەن.

کاڤین شێخ سەعید گۆتژی: سەرۆك بارزانی دووھی و ئەڤرۆ ژی د گوتارا خوە ئەڤ چەندە خویاکر، تنێ ئەو مەرجە و دشێت دھەر تەنگاڤییەکێدا ھەموو سەرکردە و رێبەرێن کوردستانێ و عێراقێ کۆم بکەت، گازییا سەرۆك بارزانی ژی بۆ لایەنێن سیاسی دەنگڤەدان ھەبوو دێ کاریگەری ل سەر دانوستانێن لایەنێن سیاسی ھەبیت ژ بۆ ڤێ چەندێ ب رێکێن ئاشتی بشێن ئاریشەیێن دناڤبەرا خوه‌دا چارەسەربکەن، یا فەرە ھەموو لایەنێن سیاسی مفای ژ پێشنیازا سەرۆك بارزانی وەربگرن و دەست ب دانوستانان بکەن.