د. نه‌هلا قادر: ئێکەمێن سنۆرێ مادێ 140 دێ کۆدێن دامەزراندنێ وەرگرن

ئاژانسا خانی ” تایبەت:

پەرلەمانتارەکا فراکسیۆنا پارتی ل پەرلەمانێ عێراقێ ئاشکرا کر، دامەزراندنا ئێکەمێن دەڤەرێن کوردستانی گەھشتییە قووناغێن دووماھییێ و دێ کۆد بۆ وان قوتابیان ھێنە دانان.

د. نەھلا قادر، پەرلەمانتارا پارتی ل پەرلەمانێ عێراقێ بۆ ئاژانسا خانی دیارکر” پێنگاڤێن باش بۆ دامەزراندنا سێ ئێکەمێن دەڤەرێن کوردستانی یێن مادێ 140 ھاتینە ھاڤێتن و گەھشتییە قووناغا پێدانا کۆدێ دامەزراندنێ، ھەموو بزاڤ دێ ھێنە کرن رێکارێن دامەزراندنا وان ب دووماھی بھێن و بھێنە دامەزراندن وەک فەرمانبەر ل سەر میلاکێ حوکمەتا عێراقێ زۆر نەمایە بریارا دامەزراندنا دەرکەڤیت.

ناڤهاتییێ گۆت ژی” دەرچوویێن دەڤەرێن کوردستانی یێن سالێن 2017 ێ ھەتا 2022ێ دێ مفادار بن و نێزیکی 10 ھزار قوتابیێن دەرچوویی دێ ھێنە دامەزراندن، چونکی حوکمەتا عێراقێ داخوازا 76 ھزار پلەیێن وەزیفی کرییە بۆ عێراقێ و پشکا ھەرێما کوردستانێ ژی ھاتییە دیارکرن و داخواز ل زانکۆ پەیمانگەھێن ھەرێما کوردستانێ ژی ھاتییە کرن.