کۆڤان حسێن
کێمن ئەو سیاسییێن رەخنێ دگرن ل تایێ خوە و پاشی تایێ خەلکێ دی. سەرۆک بارزانی ژییەکێ درێژ ل دەڤەرەکا پری ریدان دا بوراندییە و ب ھەمی رەنگ و شێوەیان ژی ری ب ری ھەمی رەنگێن ھەلویست و ریدانا بوویە. سەر ئەنجامێ ڤێ ژییێ. بارزانی گەھشتییە وێ باوەرییێ مودێلا سیاسەتکرنێ ب تێگەھەکێ کەڤنێ ب کەرب و کین و ھلدانا پەرەێن کەڤن و ڤەگێرانا ریدانێن نەخوازیار و دوبارە سیارکرنا شەقامی ب ھندەک ئیدەیەمێن سەردەمەکێ رەش کو کەس شانازییێ پێ ناکەتن وەکو سەردەمێ شەرێ ناڤخۆ. ئەڤە چەندین جارا رایا گشتییا کوردستانێ راستی ڤان ھەڤرکێن ڤالا و بێ شەنگستە دبن و ھەمی گاڤێ دەروونێ خەلکێ و گەش و ھەوایێ سیاسی ل کوردستانێ ئالۆز دکەن و ھەتا کڤاندا ویرانبوونێ رەوشێ دھاژون. ئەگەر ئەڤە رەنگەکێ (توزیع ادوار) بیت یان سیاسەتکرنەک بیت بو تێپەراندنا تشتەکێ نەپەنی دناڤبەرا سیاسیێن کوردستانێ دا ژ راستی سیاسەتەکا سە رکەفتی و ئەخلاقی نینە. سیاسەتکرن ململانەکا شەریفا پرۆژە و ھەلویستایە. بارزانی بەرامبەر ھەمی پارتێن کوردستانێ ل ھەر چوار پارچەیێن کوردستانێ کو پرانیا وان رەنگەکێ دوبەرەکییێ دناڤدایە و ب تایبەت بۆ (پارتی و ئێکەتی) گۆت (بەس ئێکو دو بشکێنن) ب راستی ژی ئەڤە کوپیتکا دەربرینێ یە. پارتی و ئێکەتی سەردەمانەکە د ڤێ گێژەلوکێدا بیی ھیچ ئەنجامەک و پاشی شەرێ ناڤخۆ شکاندنا لایەنەکێ دژی یێ دی مسۆگەر نەکر. ئەرێ شکاندنا ھەردویان پتر بەر ئاقلە ژ لایەنەکێ ب تنێ و پاشی شکاندنا ئێکو دوو؟ کێ سودمەند و مفادارە؟ ئەڤا پارتێن کوردی دکەن خزمەتا کێ یە ھەمی ئالی بێ جێوازی ھەمیان چەپ و راست و ناسیۆنالیزم و ئیسلامیان ھەتا پۆپۆلیستان ژی. ڤێ گۆتارا ژەنگی و بێ کەلک، گۆتارا شکاندنێ کی گەھاندییە قۆناغەکا سەرکەفتنێ. ئەگەر ئەڤە وەسیەتەکا بارزانی بیت دڤی ژیێ درێژێ د ڤێ رەوشێ دا بوراندی بیت. ئەڤە خەزینەکە زێرینە بۆ سیاسەتکرنێ، ئانکو ھەر کەسێ سیاسەتێ ل سەر بنەمایێ شکاندنێ ئینکار و نە ھێلانا یێ دی بکەتن، ب ھیچ ئەنجامەکێ ناگەھیت، خو ماندی نەکەن ئەڤە پارتی و ئێکەتی وەک نموونە. ھەر کەس لڤی وەلاتی ئازادە پروپاگەندێ بۆ ھزر و بیر و پرۆژێ خوە بکەتن، بۆ نموونە و دەست کەفتێن خوە دیار کەتن، ئەلتەرناتیڤ و شوینگرێ خوە ھەبیت. بێی شکاندن بێ دلرەشی و کین. کەس لڤی وەلاتی تاوانبار نینە و کەس نە زێدەیە و ئەڤا ھەی دیتن و بیردۆزێن جێوازن ب دەربڕینەک خەلەت و خراب. خۆزی تاگیرێت پارتی ژ بەری خەلکێ ڤێ وەسیەتا سەرۆک بارزانی ل ھەمی مەیدانەکێ کار پێبکەن. پارتی نەچار نینن بەرسڤێن ھەمی ئالیان بدەن، ھەروەسا لایەنێن دی ژی ب ئیشناندنا پارتی چ (لایکا) ب دەستڤە نائێخن، فەرموون ل ھەلبژارتنا متایێ خوە بەر بازار کەن و بریارێ بۆ مللـەتی بھێلن و ب ئەنجامان رازی بن، نەک بێژن مللـەت گەمژەیە، نەمازە ئەڤێن چ سەرکەفتنا نائینن، مخابن زمانێ دژواری سیاسییان گەھشتییە ھندێ مللـەتی ب خشیم و نەزان ل قەلەم بدەن.
