یاریكه‌رێ فره‌نسى ئیدوارد كاماڤینگاى نه ئارامییه‌ك ل ده‌ڤ پشته‌ڤانێن یانه‌یا خۆ ریال مه‌درید یا ئسپانى په‌یداكر، پشتى دیارییا شڤێدییا به‌رامبه‌ر خیتافیدا ژ هه‌ڤركییێن لالیگایێ ژ ئه‌گه‌رێ هنگاڤتنێ یارى بجهـ هێلاى.
كاماڤینگا ل خۆله‌كا 84 د چووكێ خوه‌دا تووشى هنگاڤتنێ بوو و ژ یارییێ ده‌ركه‌ڤت، راهێنه‌رێ یانه‌یا شاهانه كارلۆ ئه‌نچیلۆتى به‌ره‌ڤانێ لایێ راستێ ئه‌لڤارۆ ئودریۆزولا ل شوونا وى پشكدار كر.
رۆژنامه‌یا ئاس یا ئسپانى راگه‌هاند، پشكنینێن نوشدارى ئه‌وێن ل سپێده‌هییا ئه‌ڤرۆ بۆ كاماڤینگاى هاتینه كرن دیاركرن، یاریكه‌ر تووشى وه‌ره‌مه‌كا گه‌له‌كا بچووك د چووكێ خوه یێ چه‌پێدا بوویه.
ئاماژه ب هندێ دا، كاما دێ ب تمامى بۆ دیدارا مانچسته‌ر ستى یا ئه‌نگلیزى ل چارشه‌مبییا بهێت یێ به‌رهه‌ڤ بیت.
