جارا ئێكێ یه‌ ژنه‌كا کریستیان ل هەولێرێ دبیتە دادنڤیس

ئێكه‌م جاره‌ ل هەولێرێ، ژنه‌كا کریستیان وەکو دادنڤیس ل فەرمانگەها دادنڤیسا عەینکاوە دەست بکار دبیت.

 په‌یڤدارێ وەزارەتا داد یا هەرێما کوردستانێ دیار كر، هیبە نەجیب عەبۆ، ئێكه‌م ژنا کریستیانە ل هەولێری وەکو دادنڤیس دەست بکار دبیت.

د رێورەسمه‌کێدا ئه‌ڤرۆ 16 ی گولانا 2023 ێ” فه‌رسەت ئەحمەد، وەزیرێ داد یێ هەرێما کوردستانێ، هیبە نەجيب عەبۆ وەکو دادنڤیس ل فەرمانگەها دادنڤیسا عەینکاوە دیار کر.

هیبە نەجيب عەبۆ، باوه‌رناما بەکالۆریۆسێ ب قانوونێ هەیە و ماوەیێ 13 سالانه‌ ل فەرمانگەها دادنڤیسا 1 ی هەولێرێ کار دكه‌ت.