رێڤه‌به‌رێ گشتییێ داتا و زانیارییان ل كۆمسیۆنا بلندا هه‌لبژارتن و راپرسییان ل هه‌رێما كوردستانێ راگه‌هاند، كۆمسیۆن دشێت پرۆسه‌یا هه‌لبژارتنان ل ده‌مێ دیاركرى ب رێڤه‌ببه‌ت.
كاروان جه‌لال عه‌لى رێڤه‌به‌رێ گشتییێ داتا و زانیارییان ل كۆمسیۆنا بلندا هه‌لبژارتن و راپرسییان دیاركر، ئه‌ڤرۆ نڤیسارا په‌رله‌مانى گه‌هشته كۆمسیۆنێ، ئه‌ڤه رێكاره‌كا فه‌رمییه بۆ ئاگه‌هداركرنا كۆمسیۆنێ ژ وان رێكاران یێن په‌رله‌مانێ كوردستانێ بۆ كاراكرنا كۆمسیۆنێ بكارئیناین، یا گرنگ ئه‌وه كۆمسیۆن كۆمبوونا خوه بكه‌ت و ل ژێر وێ نڤیسارێ و وى ده‌مێ سه‌رۆكایه‌تییا هه‌رێما كوردستانێ بۆ رۆژا هه‌لبژارتنان دیاركرى، ده‌ست ب به‌رهه‌ڤییان بكه‌ت
دووپاتى ل هندێ ژى كر، كۆمسیۆنێ ده‌م هه‌یه و دشێت هه‌لبژارتنان د ده‌مێ ده‌ستنیشانكریدا ب رێڤه‌ببه‌ت.
