هندرین محه‌مه‌د: تۆمارا دەنگدەرێن عێراقێ بۆ ھەلبژارتنێن ھەرێما كوردستانێ دێ ھێنە بکار ئینان

ئاژانسا خانی ” تایبه‌ت:

سەرۆکێ کۆمسیۆنا بلندا سه‌ربه‌خۆیا ھەلبژارتن و راپرسییێ ل ھەرێما کوردستانێ دیار کر، ھەمان تۆمار و ئامیرێن ھەلبژارتنێن عێراقێ بۆ ھەلبژارتنێن ھەرێما کوردستانێ دێ ھێنە بکارئینان و ل چەند رۆژێن بهێت دێ ھەماھەنگییێ دگەل کۆمسیۆنا سەربه‌خۆیا عێراقێ کەین.

ھندرین محەمەد سالح، زێده‌تر بۆ ئاژانسا خانی گۆت” پشتی دوھی بریارا کاراکرنا کۆمسیۆنا ھەلبژارتنێن ھەرێمێ ھاتییە دان ژلایێ پەرلەمانێ کوردستانێ ڤه‌” ژ ئەڤرۆ پێڤە دێ کۆمسیۆن دەست ب بەرھەڤییان کەت بۆ ئەنجامدانا ھەلبژارتنێن بهێن یێن ھەرێما کوردستانێ کو بڕیارە ل دووماھییا ئەڤ سالە بھێنە كرن.

ناڤهاتی گۆت ژی” دێ ھەماھەنگییێ دگەل کۆمسیۆنا بلندا ھەلبژارتنێن عیراقێ کەین بۆ بکار ئینانا تۆمارا بایۆمەترییا دەنگدەرێن عێراقێ بۆ ھەلبژارتنێن ھەرێما کوردستانێ و ھەمان ئەو ئامیرێن ژلایێ کۆمسیۆنا عێراقێ بۆ ھەلبژارتنان ڤه‌ هاتینه‌ بکار ئینان بدەنە ھەرێما کوردستانێ.