كه‌رنه‌ڤالێ نه‌هێ یێ 54 سالییا پارێزگه‌هبوونا دهۆكێ دێ هێته‌ گێران

ئاژانسا خانی ” زنار تۆڤی:

ل ژێر درۆشمێ ژینگەها مە مالا مەیە” رێڤەبەرییا گشتی یا رەوشەنبیری و هونەری و سەرۆکاتییا باژێرڤانیا دهۆکێ ب پشتەڤانییا “د.عەلی تەتەر” پارێزگارێ دهۆکێ دێ کەرنەڤالێ نه‌هێ یێ 54 سالییا پارێزگەهبوونا دهۆکێ ب چەندین چالاکییان گێرن.

حه‌سه‌ن فه‌تاح، په‌یڤدارێ رێڤه‌به‌رییا گشتى یا ره‌وشه‌نبیرى و هونه‌رى ل پارێزگه‌ها دهۆكێ” بۆ ئاژانسا خانی دیار كر: ل رۆژێن بورى لوگۆ و پۆسته‌رێن كه‌رنه‌ڤالێ نه‌هێ یێ 54 سالییا پارێزگه‌هبوونا دهۆكێ هاتینه‌ به‌لاڤكرن” كو ده‌ربرینێ ژ پارێزگه‌ها دهۆكێ دكه‌ن، هه‌روه‌سا هه‌ماهه‌نگى ل گه‌ل هه‌موو سازی یێن پارێزگه‌ها دهۆكێ هاتینه ‌كرن بۆ وێ چه‌ندێ كه‌رنه‌ڤالێ پارێزگه‌هبوونا دهۆكێ ببیته‌ ره‌نگڤه‌دانا هه‌موو دهۆكییان.

ناڤهاتی گۆت ژی: كلتۆر و كارێ سازی یێن پارێزگه‌ها دهۆكێ دێ د ناڤ كه‌رنه‌ڤالى دا هێنه‌ نیشاندان، ژ بلى خه‌لكێ پارێزگه‌ها دهۆكێ وان بزاڤ كرینه‌ ب هه‌ماهه‌نگى ل گه‌ل رێڤه‌به‌رییا گشتى یا گه‌شتوگۆزارێ ل پارێزگه‌ها دهۆكێ گه‌شتییاران ژى پشكدارى گه‌را نه‌هێ یا كه‌رنه‌ڤالێ رۆژا پارێزگه‌هبوونا دهۆكێ بكه‌ن، دیسان ده‌زگه‌هێن راگه‌هاندنێ یێن ناڤخۆ و بیانى بۆ رۆمالا كه‌رنه‌ڤالێ دێ هێنه‌ داخواز كرن و د ئه‌ڤ ساله‌ دا جۆدا ژ سالێن بورى دێ كه‌رنه‌ڤال گرنگییه‌كا تایبه‌ت ب ژینگه‌هێ و پاراستنا سرۆشتى و هونه‌رێ هه‌مه‌ره‌نگێ ده‌ڤه‌رێن جۆدا یێن پارێزگه‌ها دهۆكێ ده‌ت”.

حه‌سه‌ن هیشتا دبێژیت: سازیێن حکومی و چەندین گولخانە و مەشتەلێن دهوکێ ل گەل خەلاتکرنا چەندین کەسێن خزمەتا پارێزگەها دهۆکێ کرین دێ دناڤا كه‌رنه‌ڤالی دا پشكدار بن و ئاهەنگەكا هونەری کو دەربرینێ ژ پێکهاتێن ئۆلی و نەتەوەیی یێن پارێزگەها دهۆکێ دکەت ب پشكدارییا کۆمەکا سترانبێژان” وه‌كو رێناس زێی ” تەحسین خدر فەقیر ” کانی سەفەر ” شرینا خانی” گیورگیس لیوی ” ل گەل تیپا رۆباد یا مۆزیکێ دێ هێته‌ گیران ” ل رۆژا شەمبی 27/5/2023 ێ و ل دەمژمێر ٦ی ئیڤاری کەرنەڤال دێ ب نیشاندانا بەرهەمێ سازی یێن حکومی دناڤ پارکا نەورۆز دا ده‌ستپێكه‌ت و ل دەمژمێر ٧ی مەغرەب رێورەسم و ئاهەنگا هونەری  ل پارکا نەورۆز دێ ده‌ستپێكه‌ن.