شێروان دوبەردانی: هه‌تا نوكه‌ ئاریشە ل سەر دو مادێن پشكا هه‌رێما كوردستانێ هەنە

ئاژانسا خانی:

شێراون دوبەردانی، ئەندامێ فراکسیۆنا پارتی ل پەرلەمانێ عێراقێ بۆ ئاژانسا خانی دیار كر: هه‌تا نوكه‌ کێشە ل سەر هەردو مادێن 13 و 14   یێن پرۆژه‌ قانوونا بودجه‌یێ گشتی یێ عیراقێ هه‌نه‌، کو هه‌ردو ژی تایبەتن ب پشکا هەرێما کوردستانێ ڤه‌” دهێته‌ چاڤەرێ كرن ئەڤرۆ هه‌ڤپەیمانییا برێڤەبرنا دەولەتێ، كو ژ پێکهاتی یێن حکومەتا نوكه‌ یا عێراقێ پێکدهێن‌، کۆم ببیت و دانوستاندنان ل سه‌ر پەسه‌ندکرنا هەردو مادێن 13 و 14 بکه‌ن و فوئاد حسێن وه‌زیرێ ده‌رڤه‌یێ عیراقێ دێ پشكدارییێ د وێ كۆمبوونێ دا كه‌ت و ئه‌م ب هیڤینه‌ ئه‌و هه‌ردو برگه‌ ژی بهێنه‌ بجهئینان.

 ناڤهاتی گۆت ژی: ئه‌م وه‌كو فراكسیۆنا پارتی ل په‌رله‌مانێ عیراقێ د رژدین ل سەر پەسەند کرنا هه‌موو دەقێن پڕۆژە قانوونا گشتی یا بودجەیی” یاكو ژ لایێ جڤاتا وەزیرێن عێراقێ ڤە بۆ پەرلەمانی هاتییه‌ هنارتن، هه‌كو ئه‌و هه‌ردو برگه‌ بهێنه‌ چاره‌سه‌ر كرن و هه‌كه‌ سوبه‌هی پێنجشه‌مبی دەنگ ل سەر وان هه‌ردو مادان بهێته‌ دان، دهێته‌ چاڤه‌رێ كرن” ل حه‌فتییا بهێت پەرلەمانێ عیراقێ دەنگی ل سەر پڕۆژە قانونا گشتی یا بودجه‌یی بده‌ت و پەسەند بکه‌ت.