لەنجە دزەیی: کۆمسیۆن یا ھاتییە کاراکرن و دشێت کارێ خوە بکەت

ئاژانسا خانی ” تایبەت:

پەرلەمانتارەکا پارتی ل پەرلەمانێ کوردستانێ دبێژیت، ل روونشتنا ھژمارە 4 یا رۆژا 22 ی گولانێ کۆمسیۆنا بلندا ھەلبژارتنێن ھەرێما کوردستانێ ھاتییە کارا کرن و نوکە کۆمسیۆن دشێت دەست بکارێن خوە بکەت.

لەنجە دزەیی، زێده‌تر بۆ ئاژانسا خانی دیار کر” ل روونشتنا ھژمارە 4 یا رۆژا 22ی گولانێ پەرلەمانێ کوردستانێ ب 58 دەنگان کۆمسیۆنا بلندا سەربه‌خۆیا ھەلبژارتنان ل ھەرێما کوردستانێ کارا کرییە و دو ئەندام بۆ کۆمسیۆنێ ھاتینە زێدە کرن، دوھی ل رۆژناما فەرمی ژی ھاتییە بەلاڤکرن و نوکە ب شێوەکێ فەرمی کۆمسیۆن یا کارایە.

لەنجە دزەیی گۆت ژی” پارتی یا کار دکەت بۆ ئەنجامدانا ھەلبژارتنان د ئەڤ سالە دا، چونکی ئەگەر ھەتا 18/11/2023ێ ھەلبژارتن نەھێنە کرن ئەڤە دێ ھەرێما کوردستانێ کەڤیتە د ڤالاھییا ده‌ستووری و قانوونی دا، لەوما پارتی نه‌ڤێت ھەرێما کوردستانێ بکەڤیتە د ڤالاھییا قانوونی دا و ئەرکێ ھەموو لایەنێن سیاسییە بەرھەڤییان بۆ ئه‌نجامدانا ھەلبژارتنان بکەن.ش