پلاسخارت: پێدڤیە هەلبژارتنێن هەرێما کوردستانێ د دەمێ خۆ یێ دیارکریدا بهێنە ئەنجامدان

جینین هێنیس پلاسخارت، نوونەرا تایبەت یا سکرتێرێ گشتی یێ نەتەوەیێن ئێکگرتی ل عیراقێ، ئەڤرۆ چارشەمبی د پەیامەکێدا ڕاگەهاند،”بەردەوامییا شەرێ ناڤخۆ یێ سیاسی ل هەرێما کوردستانێ یێ بێزارکەر، دووبارە داخواز ژ هەمی لایەنان دکەین د بەرژەوەندییا گەلی دا کار بکەن و بلەز ڕێیەکا هەڤپشک بۆ پرسێن هەلاویستی یێن هەلبژارتنان ببینن.”

 پلاسخارت دەربارەی هەلبژارتنێن پەرلەمانێ کوردستانێ هوشیارییێ ددەت و دبێژیت:”هەلبژارتنێن باوەر پێکری د دەمێ خۆ دا کاکلکا دیموکراسیەتێنە لەورا پێدڤیە هەلبژارتنێن پەرلەمانێ هەرێما کوردستانێ د دەمێ خۆ یێ دیارکریدا بهێنە ئەنجامدان.”