ئاژانسا خانی ” تایبەت:
ئه‌ڤرۆ چارشه‌مبی” پەیڤدارێ پۆلیسێن ھەولێرێ دەست ژ کارێ خوە بەردا و دبێژیت، پشتی ھەشت سالان ژ پۆستێ پەیڤدارێ پۆلیسان دێ ل رێڤەبەرییه‌کا دی دەست ب کار بم.
موقه‌دم ھۆگر عەزیز، پەیڤدارێ پۆلیسێن پارێزگەھا ھەولێرێ بۆ ئاژانسا خانی دیارکر” دەمێ ھەشت سالانە وەک پەیڤدارێ پۆلیسێن پارێزگەھا ھەولێرێ خزمەتێ دکەم و ب پشتەڤانییا ھەموو لایەکی شیایمە ئەرکێ خوە وەک پەیڤدار بجهبینم، بەلێ ئەڤرۆ من وەک پەیڤدارێ پۆلیسان دەست ژ کارێ خوە بهر‌دا و بڕیارە ل رێڤەبەرییه‌کا دی دەست ب کار بم و درێژیێ ب ئەرکێ خوە بدەم.
ناڤهاتی گۆت ژی” وه‌كو ئەفسەرەکی ھەشت سالان بێ جۆداھی شیایمە ئەرکێ خوە بجهبینم و ب راستی و دروستی زانیارییان بگەھینم، ھەر جھەکێ دەست ب کار بکەم دێ سۆزێ دەم کەسەکێ دەست پاقژ بم و جۆداھییێ نەکەم د ئەرکێ خوە دا و ب ئێک چاڤ سەرەدەرییێ دگەل ھەموو وەلاتییان بکەم.
