ئهڤرۆ پێنجشهمبى د بیرهوهرییا شۆرهشا گۆلانێدا ل بالهكایهتییێ گوتارهكا سهرۆك بارزانى هاته خواندن و تێدا ئاماژه ب هندێ هاته دان، كو هیڤییا سهرۆك بارزانى ئهوه لایهنێن سیاسى ناكۆكییان دهربازبكهن و ب روحهكا نیشتیمانپهروهرانه و برایانه ئاریشهیان دهربازبكهن.
دهقێ گوتارا سهرۆك بارزانى ل سالیادا شۆرهشا گۆلانێ :
ب ناڤێ خۆدایێ مهزن و دلوڤان
جهماوهرێ خۆشتڤییێ دهڤهرا بالهكایهتى
ئامادهبوویێن بهریز
ئهڤ دهمه و ههموو دهمێن ههوه باش
ب ههلكهڤتا 47 سالییادا دهستپێكرنا شۆرهشا گۆلانێ، پیرۆزیاهییێ ل گهلێ كوردستانێ و ههموو وان قارهمان و پێشمهرگه و تێكوشهران دكهم یێن كو رۆل د شۆرهشا گۆلانێدا ههبوو، من پێزانین بۆ فیداكارى و خۆراگرییا گهلێ كوردستانێ ههنه كو د قووناغهكا ههستیاردا پشتهڤانێن شۆرهشا گۆلانێ و پێشمهرگهى بوون.
گێرانا وێ ههلكهڤتێ ل ڤێرێ رامانا خوه یا تایبهت ههیه، دهڤهرا بالهكایهتى دهڤهرهكا خۆدان شههیده و قوربانییێن مهزن ژ پێخهمهت شۆرهشێ داینه، ههردهم ل ژێر فشارێن شهرى و بوردۆمانێن دوژمنى بوو و ب هزاران پێشمهرگه و ئاواره حهواندینه و كهلهـ و سهنگهرێ سهركردایهتییا شۆرهشێ بوو، ههروهسا دهڤهرا بالهكایهتییێ د شۆرهشا گۆلانێ ژیدا خالا دهستپێكێ یا شۆرهش و قوربانیدانا گهلێ كوردستانێ بوو، ئێكهم شههیدێ شۆرهشا گۆلانێ ژى، شههید سهید عهبدولا بوو كو رۆلێ وێ دهڤهرا سهربلندا كوردستانێ یه، ئهم ب ههموو شێوهیان قهردارێن خهلكێ تێكۆشهرێ دهڤهرا بالهكایهتییێ نه.
سوپاس بۆ خۆراگرییا ههوه
سوپاس بۆ قارهمانییا ههوه
شۆرهشا گۆلانێ قووناغهكا ههره گرنگا بزاڤا رزگاریخوازا كوردستانێ و ههلگرا وێ پهیامێ بوو كو سهربارى ههبوونا پیلانگیرى و گهف و هێزا نهیاران و ئاستهنگین مهزن، ئیرادهیا بهردهوامییێ و شۆرهشێ دناخێ مرۆڤێ كورستانیدا ههر یا زیندى بوو.
شۆرهشا گۆلانێ، تهحهدیكرنا ههموو ئهوان دیكتاتۆر و ستهمكار و دوژمنان بوو یێن كو وهسا هزر دكرن، پشتى شۆرهشا ئهیلوولێ، ئێدى دێ بۆ ههتا ههتایێ دووماهى ب شۆرهش و بهرخۆدانێن گهلێ كوردستانێ هێت، لێ شۆرهشا گۆلانێ ئهو خهونا نهحهزان دانا دبن گۆریدا و گهلێ كوردستانێ ل سهر خهباتا خوه یا بهردهوام بوو و سهرشۆرى و شكهستن بۆ دوژمنان ما.
دڤێ ههلكهڤتا پیرۆزدا دووپاتییێ ل هندێ دكهم بهرژهوهندییا كوردستانێ ل سهر ههموو بهرژهوهندییێن دییه و هیڤیدارم لایهنێن سیاسى یێن كوردستانێ بشین ناكۆكییێن سیاسى دهربازبكهن و ههموو ب روحهكا نیشتیمانپهروهرانه و برایانه ئاریشهیان چارهسهر بكهن.
ل دووماهییێ هزار سلاڤان بۆ شههیدێن شۆرهشا گۆلانێ و ههموو شههیدێن كورد و كوردستانێ دهنێرم كو ب خوینا خۆ مێژۆ بۆ گهلێ خوه تۆماركر و ئهو ههموو نموونهیا قارهمانى و خۆ بدهستڤهنهبهردان و خۆ نهچهماندنێ نه.
