هه‌ر فه‌رمانبه‌ره‌كێ زانیارییان ل سه‌ر گه‌نده‌لییێ بده‌ته‌ ده‌ستپاكییێ، دێ 3%ێ بۆ 5%ێ یا وى پاره‌ى وه‌رگریت

ل دووڤ بریاره‌كا نوو یا ده‌سته‌یا ده‌ستپاكییا عیراقێ، هه‌ر فه‌رمانبه‌ره‌كێ زانیارییان ل سه‌ر زێده‌بوونا نه‌قانوونییا ملك و مالى و به‌رتیل وه‌رگرتنێ بده‌ت، دێ 3%ێ بۆ 5%ێ یا وى پاره‌ى وه‌رگریت.

ده‌سته‌یا ده‌ستپاكییا عیراقێ راگه‌هاند، بریار هاتییه‌ دان قانوونا ( پاداشتكرنا نووچه‌گه‌هانان ) یا سالا 2008ێ وان كه‌سان ب خۆڤه‌ بگریت، یێن زانیارییان ل دۆر زێده‌بوونا نه‌قانوونییا ملك و مالى و به‌رتیل وه‌گرتنێ بده‌ته‌ ده‌سته‌یا ده‌ستپاكییێ.

ل دووڤ مادده‌یێ سێیێ یێ قانوونا پاداشتكرنا نووچه‌گه‌هانان، هه‌ر فه‌ر‌مانبه‌ره‌كێ حكومه‌تێ یان كه‌رتێ گشتى، زانیارییان ل سه‌ر كه‌یسێن گه‌نده‌لییێ بده‌ت دێ هێته‌ پاداشتكرن، ئه‌گه‌ر ئه‌و پاره‌یێ ب گه‌نده‌لى چووى هه‌تا 100 ملیۆن دیناران بیت، دێ رێژه‌یا 3%ێ بۆ 5%ێ یا پاره‌ى ب وى كه‌سى هێته‌دان یێ زانیارییان بدت و پترین كوژمه‌ دێ گه‌هیته‌ پێنج ملیۆن دیناران، ئه‌گه‌ر پاره‌ ژ 100 ملیۆن دیناران زێده‌تر بیت، رێژه‌یا پاداشتێ دێ بیته‌ 3%ێ یا وى پاره‌ى.

بۆ ڤێ پێنگاڤێ ده‌سته‌یا ده‌ستپاكییا عیراقێ هێله‌كا تله‌فۆنێ ژماره‌ ( 07800701653 ) و ئیمه‌یلێ (( blaghat@nazaha.iq  بۆ ئاگه‌هداركرنێ داناینه‌.