مەسرور بارزانی: ئه‌م ناهێلین ئەو گوهۆرینه‌ سەربگرن یێن كو د پشكا هەرێما کوردستانێ دا د بودجەیێ فیدرالی دا هاتینه‌ کرن

سەرۆکێ حکومەتا هەرێما کوردستانێ راگەهاند “ئەو گوهۆرینێن د پشکا هەرێما کوردستانێ د بودجەیێ فیدرالی دا هاتینه‌ کرن، نه‌پاکی و ستەمکاری و پیلانگێرانن ل دژی هەرێما کوردستانێ و ناهێلین سەربگریت”.

سەرۆکێ حکومەتا هەرێما کوردستانێ ئەڤرۆ ل دەشتی زرارەتی بۆ جوتیاران ئاخفت و به‌حسێ گوهۆرینێن پرۆژە قانوونا بودجەیی كر و گۆت “ئەوا جهێ مخابنییێ یه‌” ئەو دەستێ ناڤخۆییە یێ كو پشكدار د وێ  پیلانگێریێ دا” یا ژ وێ خرابتر، کێمکرنا دەستهه‌لاتێن هەرێما کوردستانێ ب دەسکەفت بۆ خۆ دزانن، بەلێ هه‌وه‌ پشتراست دكه‌ین كو ئه‌ڤه‌ بزاڤه‌كا نەزۆکە و سەرناگریت”.

سەرۆکێ حکومەتێ ته‌كه‌زی ل سه‌ر هندێ كر، حکومەتا هەرێما کوردستانێ، دێ هەموو بزاڤێن خۆ ئێخیته‌ كاری ژ پێخه‌مه‌ت گرنگیدانا پتر ب كه‌رتێ چاندنێ و ب بازاڕکرنا بەرهەمێ جوتیارێن کوردستانێ.