ئاریشا گه‌نمێ جۆتیارێن هه‌رێما كوردستانێ هاته‌ چاره‌سه‌ر كرن

ئاژانسا خانی:

رێڤه‌به‌رێ گشتییێ چاندنێ ل پارێزگه‌ها دهۆكێ دیار كر: ئه‌ڤ ساله‌ وەرگرتنا گەنمێ جۆتیاران ل سایلۆیان دێ ب ره‌نگه‌كێ ئازاد بیت و هەموو بەرهەمێ گەنمێ جۆتیارێن هه‌رێمێ ل دووڤ وێ رێژا بۆ هاتییە ده‌ست نیشانکرن دێ هێتە وەرگرتن.

ئه‌حمه‌د جه‌میل، زێده‌تر بۆ ئاژانسا خانی دبێژیت: ئه‌ڤرۆ دوشه‌مبی شانده‌كێ حكومه‌تا هه‌رێمێ ژ وەزارەتا چاندنێ و ژێدەرێن ئاڤێ سەرەدانا‌ به‌غدا کرییه‌ و داخوازا زێده‌كرنا پشكا هه‌رێمێ یا گه‌نمێ جۆتیاران کرییه‌ و بریار هاتییە دان” كو ئێدی وەرگرتنا گەنمی ل سایلۆیان یا ئازاد بیت و جۆتیار دشێن گەنمێ خۆ ئێکسەر راده‌ستى سایلۆیان بکەن.

ناڤهاتی گۆت ژی: جۆتیارێن پارێزگه‌ها دهۆكێ ده‌ست ب دروینا گه‌نمی كرییه‌ و د نوكه‌ دا ده‌رگه‌هێن سایلۆیان دڤه‌كرینه‌ و گه‌نمێ جۆتیاران دهێته‌ وه‌رگرتن.