ئێدی جۆتیارێن كورد دشێن به‌رهه‌مێن خۆ یێن چاندنێ ببه‌نه‌ هه‌موو ده‌ڤه‌رێن عێراقێ

ئاژانسا خانی” تایبەت:

  پەیڤدارێ وەزارەتا چاندنا حکومەتا ھەرێما کوردستانێ ئاشکرا کر، ھەرێم و بەغدا لدۆر بەرھەمێ جۆتیاران دێ گەھنە رێکكەفتنێ و ھنارتنا بەرھەمێ جۆتیاران بۆ دەڤەرێن ناڤەراست و باشوورێ عێراقێ دێ ھێتە ئازاد کرن.

ھیوا عەلی، زێده‌تر بۆ ئاژانسا خانی دیار کر” ژلایێ حکومەتا عێراقێ رێگری  ل چوونا بەرھەمێ چاندنێ  یێ جۆتیارێن ھەرێما کوردستانێ دھێتە کرن بۆ دەڤەرێن ناڤەڕاست و باشوورێ عێراقێ، ئەڤە ژی بوویە ئەگەر جۆتیارێن ھەرێما کوردستانێ نەشێن بەرھەمێ خوە ددەمێ گەھشتنێ دا ببنە پارێزگەھێن ناڤه‌راست و باشوورێ عێراقێ، ئەڤێ چەندێ گه‌له‌ك زیان گه‌هاندینه‌ جۆتیاران.

ناڤهاتی گۆت ژی” لێک تێگەھشتن دناڤبەرا ھەردو وەزارەتێن چاندنێ یێن ھەرێما کوردستانێ و بەغدا ھەیە بۆ چارەسەرکرنا ئەڤی بابه‌تی و بزاڤ دھێنە کرن بگەھنە رێکكەفتنێ و جۆتیارێن ھەرێما کوردستانێ ژی بشێن بەرھەمێ خوە یێن ئەڤ سالە ببه‌نە بازاڕێن پارێزگەھێن عێراقێ و چوونا بەرھەمێ جۆتیارێن ھەرێمێ دێ ھێتە ئازاد کرن.