<h3></h3> <h3><span style="font-size: 18pt;"> ئاژانسا خانی" تایبەت:</span></h3> <h3></h3> <h3><span style="font-size: 18pt;">ل سنورێ ئیدارا سەربه‌خۆیا سۆران دەست ب ئاڤاکرنا شوقێن کرێداران ھاتە کرن و بەرپرسێ راگەھاندنا ئیدارا سەربه‌خۆیا سۆران گۆت: ل سەر 40 دۆنەمێن ئەردی ھزار و 300 شوقە بۆ خەلکێ ھەژار و کرێدار دێ ھێنە ئاڤاکرن.</span></h3> <h3><span style="font-size: 18pt;"> ھەژار حەکیم، بەرپرسێ راگەھاندنا ئیدارا سەربه‌خۆیا سۆران بۆ ئاژانسا خانی دیار کر" ژ سەر جەمێ 20 ھزار یەکەیێن ئاکنجیبوونێ بۆ کرێداران کو بڕیارە ژلایێ حوکمەتا ھەرێما کوردستانێ بھێنە ئاڤاکرن ھزار و 300 شوقە دێ ل ئیدارا سەربه‌خۆیا سۆران ھێنە ئاڤا کرن و وەبەرھێنەری دەست ب پڕۆژەیی کرییە و د نوکە دا مژوولی چێکرنا رێکا پڕۆژەیە و بۆ دەمێ دو سالان دێ شوقە ھێنە تەمام کرن.</span></h3> <h3><span style="font-size: 18pt;"> ھەژار حەکیمی گۆت ژی" پڕۆژێ ئاڤاکرنا شوقێن کرێداران دێ لسەر 40 دۆنەمێن ئەردی دناڤبەرا ھەردو گوندێن دێلزیان و تاخێ دێلزیان ھێنە ئاڤاکرن و ھەموو خزمەت گوزاری ژی بۆ پڕۆژەیی دێ ھێنە ئەنجامدان، ھەتا ھەموو خزمەت گوزاری بۆ نەھێنە بجهئینان رادەستی کرێداران ناھێنە کرن، ئیدارا سەربه‌خۆیا سۆران ژی دێ ھاریکاری یێن تەمام بۆ وی پڕۆژەیی ھەبن.</span></h3>
