پارێزگار و سەرپەرشتێن ئیدارەیێن سەربه‌خۆ یێن هه‌رێمێ دێ سه‌ره‌دانا ئیرانێ كه‌ن

ئاژانسا خانی” تایبەت:

بریارە شاندەکێ ھەرێما کوردستانێ سەرەدانا کۆمارا ئیسلامییا ئیرانێ بکەن و پارێزگارێ ھەولێرێ ژی دبێژیت، ل باژێرێ ئورمییێ دێ چەندین کۆمبوونێن گرنگ ھێنە ئەنجامدان لدۆر خورتکرنا پەیوەندی یێن بازرگانی دناڤبەرا ھەرێمێ و ئیرانێ دا.

ئومێد خۆشناو، پارێزگارێ ھەولێرێ بۆ ئاژانسا خانی دیارکر” ب مەرەما خورتکرنا پەیوەندییان دگەل وەلاتێن جیران بڕیارە ل چەند رۆژێن بهێن دا شاندەکێ ھەرێما کوردستانێ ژ پارێزگار و سەرپەرشتێن ئیدارەیێن سەربه‌خۆ سەرەدانا کۆمارا ئیسلامیا ئێرانێ بکەن و تێدا دێ پەیوەندی یێن ئابووری یێن دناڤبەرا پارێزگەھێن ھەرێما کوردستانێ و ئیرانێ دا ھێنە خورتکرن.

ناڤهاتی گۆت ژی” ل دووماھییا ڤێ ھەیڤێ دێ سەرەدانا شاندێ ھەرێما کوردستانێ دەستپێکەت و ل باژێرێ ئورمییێ دێ چەندین کۆمبوون دناڤبەرا شاندێ ھەرێما کوردستانێ و جێگرێ وەزیرێ دەرڤەیێ ئیرانێ بۆ کارۆبارێن بازرگانی و پارێزگارێن ئورمییێ و کرماشان و سنە ھێنە ئەنجامدان.