عه‌بدوللا سالح: بریارا دادگه‌ها فیدرالییا عیراقێ چ كارتێكرن ل سەر قەوارێ ھەرێما كوردستانێ نابیت

 ئاژانسا خانی:

ئه‌ڤرۆ سێشه‌مبی” 30 ی گولانا 2023 ێ” دادگه‌ها بلندا فیدرالىیا عیراقێ دیار كر: بڕیارا درێژكرنا ژییێ په‌ڕله‌مانێ كوردستانێ نه‌ ده‌ستوورییه‌ و ئه‌ندامه‌كێ خولا ئیكێ یێ په‌رله‌مانێ عیراقێ گۆت: هه‌لبژارتنێن هه‌رێما كوردستانێ دێ د ده‌مێ خۆ دا هێنه‌ كرن و كۆمسیۆنا هه‌لبژارتنێن عیراقێ دێ سه‌رپه‌رشتییا وان هه‌لبژارتنان كه‌ت.

عه‌بدوللا سالح” ئه‌ندامێ خولا ئیكێ یێ په‌رله‌مانێ عیراقێ بۆ ئاژانسا خانی دیار كر:  بریارا دادگەھا فیدرالی دەربارەیی پەرله‌مانێ ھەرێما کوردستانێ نە تشتەکێ گەلەک مەزنە، چەند دەمێن درێژ ئەم ماینە بێ پەرلەمان و دەمێ مە ب خۆ دەرێ وی گرتییه‌ و چەندین جاران عيراق مایە بێ پەرلەمان و حکومەتێ کارێ خۆ ب رێڤه‌برییه‌ ب ھەیڤ و سالان، نوکە حکومەتا ھەرێمێ دێ کارێ خۆ یێ رۆژانە کەت و پرۆگرامێ خۆ یێ پێش وەخت ژی بجھئینیت، ئەو قانوون و بریارێن داین پشتی درێژ کرنا ژییێ خۆ ناھێنە پەیرەوکرن” هه‌روه‌سا ڤێ بریارا دادگه‌ها فیدرالی چ كارتێكرن ل سەر قەوارێ ھەرێما كوردستانێ نابیت.