<h3 style="text-align: justify;"><span style="font-size: 18pt;">ئه‌ندامه‌كێ لژنه‌یا نه‌فت و گازێ ل په‌رله‌مانێ عیراقێ راگه‌هاند، پشتى په‌سه‌ندكرنا ره‌شنڤیسێ بودجه‌یا سالا 2023ێ، په‌رله‌مان دێ ره‌شنڤیسا قانوونا نه‌فت و گازێ گوتوبێژكه‌ت و پشكه‌ك ژێ هاتییه ئاماده‌كرن و دبێژیت: لێكتێگه‌هشتنه‌كا باش ل دۆر پشكه‌كا ره‌شنڤیسێ پێشنیازكرى دناڤبه‌را حكومه‌تا هه‌رێما كوردستانێ و حكومه‌تا عیراقێدا هه‌یه.</span></h3> <h3 style="text-align: justify;"><span style="font-size: 18pt;">عه‌لى شه‌داد جۆرانى ئه‌ندامێ لژنه‌یا نه‌فت و گازێ ل په‌رله‌مانێ عیراقێ ئاشكراكر، پشتى په‌سه‌ندكرنا ره‌شنڤیسێ قانوونا بودجه‌یا عیراقێ بۆ سالا 2023ێ، په‌رله‌مان دێ گوتوبێژا ره‌شنڤسێ قانوونا نه‌فت و گازێ كه‌ت، كو دنوكه‌دا پشتى ره‌شنڤیسێ قانوونا بودجه‌ى، ئه‌و گرنگترین قانوونه و عیراقێ نینه، له‌وما ئه‌و داخوازێ ژ حكومه‌تا عیراقێ كه‌ن، پشتى په‌سه‌ندكرنا ره‌شنڤیسێ بودجه‌ى، ره‌شنڤیسا نه‌فت و گازێ بۆ وان بهنێرن داكو دانوستاندنان ل سه‌ر بكه‌ن.</span></h3> <h3 style="text-align: justify;"><span style="font-size: 18pt;">جۆرانى گوت: نوكه حكومه‌ت مژوولى ئاماده‌كرنا ره‌شنڤیسه‌كییه ب رێكا هه‌ماهه‌نگییێ دگه‌ل هه‌رێما كوردستانێ، ژماره‌یه‌كا لژنه‌یێن هونه‌رى و قانوونى ئه‌ڤ مژاره ب ستوویێ خۆڤه گرتییه، ب تایبه‌ت پشتى كو بابه‌تێ نه‌فت و گازێ ژ بابه‌تێ سیاسى بوویه بابه‌ته‌كێ هونه‌رى و قانوونى، لێكتێگه‌هشتنه‌كا باش ل دۆر وى ره‌شنڤیسى دناڤبه‌را هه‌رێما كوردستانێ و به‌غدا دا هه‌یه و دگه‌شبینن بگه‌هنه چاره‌سه‌رییه‌كێ.</span></h3>
