ریال مه‌درید بهاترین یانه‌یا جیهانێیه‌

كوڤارا فۆربس یا ئه‌مریكى لیسته‌یا بهاترین یانه‌یێن جیهانێ به‌لاڤكر، ریال مه‌درید یا ئسپانى ل رێزا ئێكێ هات.

كوڤارێ لیسته‌یا نوو یا بهاترین یانه‌یێن سپۆرێ ل سه‌ر ئاستێ جیهانێ به‌لاڤكر و دیاركر، بهایێ یانه‌یان به‌راورد دگه‌ل سالا بوورى 2.5%ێ بلندبوویه‌، ئه‌گه‌ر ژى ئه‌وه‌ كو بهایێ كۆمپانییان بلندبوویه‌ و كارتێكرن ل سه‌ر یانه‌یان كرییه‌.

دلیسته‌یا 10 باشترین یانه‌یێن جیهانێدا ب تنێ ئێك یانه‌یا ئه‌لمانى، ئێك یانه‌یا فره‌نسى، دوو یانه‌یێن ئسپانى و شه‌ش یانه‌یێن ئنگلیزى دهێنه‌ دیتن.

ل دووڤ لیسته‌یا نوو خۆدانا 14 ناسناڤێن چامپیۆنز لیگێ یانه‌یا ریال مه‌درید یا ئسپانى بهاترین یانه‌یا جیهانێ یه‌ و بهایێ وێ دگه‌هیته‌ 6.07 ملیار دۆلاران.

رێزبه‌ندییا بهاترین 10 یانه‌یێن جیهانێ :

1 – ریال مه‌درید 6.07 ملیار دۆلار

2 – مانچێسته‌ر یۆنایتد 6 ملیار دۆلار

3 – بارسێلۆنا 5.51 ملیار دۆلار

4 – لیڤه‌رپۆل 5.29 ملیار دۆلار

5 – مانچێسته‌ر سیتى 4.99 ملیار دۆلار

6 – بایرن میۆنخ 4.86 ملیار دۆلار

7 – پاریس سانجێرمان 4.21 ملیار دۆلار

8 – چێلسى 3.1 ملیار دۆلار

9 – تۆتنهام هوتسپێر 2.8 ملیار دۆلار

10 – ئارسینال 2.26 ملیار دۆلار