<h3 style="text-align: justify;"><span style="font-size: 18pt;">لژنهیا قانوونییا پهرلهمانێ عیراقێ دگهل كۆمیسیۆنا ههلبژارتنان كۆمبوو، ل دووڤ راگههاندنا پهرلهمانێ عیراقێ، كۆمیسیۆنێ راگههاندییه كو نهشێن ههردوو ههلبژارتنێن پهرلهمانێ كوردستانێ و جڤاتا پارێزگههێن عیراقێ د ئێك دهمدا بكهن.</span></h3> <h3 style="text-align: justify;"><span style="font-size: 18pt;">ل دووڤ راگههاندنێ لژنهیا قانوونییا پهرلهمانێ عیراقێ بابهتێ ههلبژارتنێن پارێزگههێن عیراقێ دگهل كۆمیسیۆنێ گوتوبێژكر و بهحسا ههلبژارتنێن پهرلهمانێ كوردستانێ ژى كر، كۆمیسیۆنا ههلبژارتنێن عیراقێ دووپاتى ل هندێ كر، كرنا ههلبژارتنێن پارێزگههان و ههلبژارتنێن ههرێما كوردستانێ د ئێك دهمدا، دشیانێن واندا نینه.</span></h3> <h3 style="text-align: justify;"><span style="font-size: 18pt;">لژنهیا قانوونییا پهرلهمانێ عیراقێ داخواز ژ كۆمیسیۆنێ كرییه، ئهنجامێن ههلبژارتنان 24 دهمژمێران پشتى دهنگدانێ رابگههینن، ههروهسا دانوستاندن ل دۆر شیانێن كۆمیسیۆنێ بۆ كرنا ههلبژارتنێن پارێزگههان و ههلبژارتنێن ههرێما كوردستانێ د ئێك دهمدا كر، كۆمیسیۆنێ دیاركرییه كو د شیانێن وێدا نینه ڤان ههردوو ههلبژارتنان د ئێك دهمدا بكهت.</span></h3>
