د. پشتیوان سادق، ئەندامێ مەکتەبا سیاسی و بەرپرسێ مەکتەبا رێکخستنا پارتی دیموکراتی کوردستان ل پارێزگەها دهۆکێ دگەل کەسایەتیێن ئولا کرستیانان ل سنۆرێ پارێزگەها دهۆکێ و ئیدارەیا سەربەخۆ یا زاخۆ کومبوو.
د کۆمبوونەکێدا ب به‌رفره‌هى گوتوبێژ ل دۆر رەوشا پێکڤەژیانا ئولی و نەتەوەیی ل دەڤەرێ هاته کرن و دووپاتی ل بهێزکرنا ژیانا پێکڤه هاتە کرن و روولێ کەسایەتێین ئولا کرستیانان ل دەڤەرێ ژ بۆ پێشڤەبرن و جوانکرنا تابلویێ پێکڤە ژیانێ بلند هات نرخاندن.
د. پشتیوان سادق راگەهاند، کولتوورێ لێبورین و پێکەڤەبوونێ و هەڤکاری و هەماهەنگییێ دناڤبەرا دووهی و ئەڤرۆ و سوبه‌هبدا وه‌سا خۆ نیشاندایە نە ب تنێ ل سەر ئاستێ کوردستانێ به‌لكو، ل ناڤەند و کۆر و کۆمبوونێن جیهانێ ژی ب شانازییەکا مەزن دهێته بەحسکرن.
هه‌روه‌سا گوت، دەست برن بۆ تێکدان و خرابکرنا پێکڤە ژیانێ ل کوردستانێ هێلا سورە و ل سەر هەموو لایەکێ پێدڤییە پێکڤە دەست دناڤ دەستدا و ل بن سیبەرا سازیێن پەیوەندیدار و حکومەتا هەرێمێ زێدەتر گەشەیێ بدەنە ڤی بواری.
ل دوماهییێ کەساتیێن ئولا کرستیانان زێده‌بارى نیشاندانا خۆشحالییا خوه ب ڤێ پێشوازییێ و گەنەشەیا گرنگ، روولێ حکومەتا هەرێما کوردستانێ و خەلکێ پارێزگەها دهۆکێ و زاخۆ د هەڤکاری و هەماهەنگییاواند گەل کرستیانان تایبەت ل سالا 2014 ل دەما هاتنا چەکدارێن داعشێ بلند نرخاند، كو هه‌موو خەلکێ دەڤەرێ دەرگەهێن مال و قوتابخانە و مزگەفتان بۆ ئاوارەیێن کرستایان ل موسل و دەشتا نەینەوا ڤەکرن.
