ڕێڤەبەرییا گشتی یا نەهێلانا ماددێن بێهوشکەر د ڕاگەهاندنەکێدا ئاماژە کریە،”پشتی کۆمکرنا زانیاری و دوڤچوونا هویر و بجهئینانا ڕێکارێن یاسایی تیمێن ڕێڤەبەریا نەهێلانا ماددێن بێهوشکەر، د چەندین چالاکیاندا، ل ڕۆژێن (1-2-3-) هەیڤا خزیرانا سالا2023، شیان سێ بازرگانێن ماددێن بێهوشکەر ب هاریکاریا پۆلیسێن خۆ جهی یێن ماددێن بێهوشکەر ل باژێڕێ کەرکووکێ دەستەسەر بکەن.
دیارکریە ژی، د ئەنجامێ ڤەکۆلینان دا و د چالاکیەکا دی دا ل باژێرێ هەولێرێ شیان سێ بازرگانێن دی یێن ماددێن بێهوشکەر ب دوو کیلۆگرامێن کریستالیڤە دەستەسەر بکەن کو ئێک ژ وان خەلکێ قەلادزێیە.
ڕێڤەبەرییا گشتی یا نەهێلان ماددێن بێهوشکەر گۆتیە؛” ژ ئەگەرێ ئەڤان هەردوو چالاکیان، ڕێڤەبەریا مە شیا تۆرەکا مەزن یا بازرگانێن ماددێن بێهوشکەر ل باژێڕێن هەولێر و سلێمانییێ و کەرکووکێ ژناڤببەن و پەڕێن ڤەکۆلینێ بۆ گشت تۆمەتباران هاتینە ڤەکرن و دێ هێنە ڕەوانەکرن بۆ یاسایێ.”
