د. سامان بەرزنجی وەزیرێ ساخله‌مییێ نڤیساره‌ك ئاراستەیی رێڤەبەری یێن گشتی کرییە، چەند خاله‌ك دیار كرینه ب مه‌ره‌ما گرتنەبەرا رێكارێن خۆپارێزییێ ژ نەخۆشییا تایا خوینبەربوون و ئه‌ڤ خاله دیار كرینه:
. سەربرینا ئاژەلان ل مالان ب هەمووشێوەیان قەدەغەیە.
. پابەندبوونا قەسابان بۆ لبەرکرنا کەلوپەلێن خۆپاراستنێ ب تایبەتی لبەرکرنا دەستکێشێن لاستیکی و جلێن تایبەت یێن خۆپارێزییێ ل ده‌مێ مامەلەکرنێ ل گەل ئاژەلان یان گۆشتی.
. پشتی سەربڕینا ئاژەلی دڤێت جهێ وی بهێته پاقژ كرن ب كلۆری.
. پێدڤییە وه‌لاتی گۆشتێ سوور ل جهێن ریك پێهاتییه دان بکڕن و دەستکێشان بكه‌نه دەستێ خۆ و ئاگه‌هدار بن دەستێ وان بریندار نەبیت و تەختێ ژێڤه‌كرنا گۆشتی یێ جۆدا بیت ژ یێ كه‌سكاتی.
لبەرکرنا جلێن درێژ و رەنگێ کال ل ده‌مێ سەره‌دانا وان جهێن كرنی تێدا به‌لاڤه بووین.
رێڤه‌به‌ری یێن ساخله‌مییێ پێدڤییە هەماهەنگی ل گه‌ل رێڤەبەری یێن ڤێتێرنەری و چاندنێ بکەن دەربارەیی رێکاران و ره‌شاندنا ئاژەلان ب ده‌رمانێ قرکەری.
بجهئینانا چالاکی یێن ره‌شاندنا جهێن كرنییان و لدووڤ پلانا ساڵانە و کۆنترۆلکرنا نەخۆشی یێن دهێنه ڤه‌گۆهاستن.
پابەندبوونا کارمەندێن ساخله‌مییێ ب لبەرکرنا کەرەستەیێن خۆپارێزییا کەسی ب شێوەكێ زانستییێ دروست.
