مه‌ولۆد ئۆگوز: توركییا گرنگییه‌كا تایبه‌ت ب په‌یوه‌ندی یێن خۆ ل گه‌ل هه‌رێما كوردستانێ دده‌ت

ئاژانسا خانی:

رۆژنامه‌ڤان مه‌ولۆد ئۆگوز” بۆ ئاژانسا خانی دیار كر: د هه‌لبژارتنێن 14 ی گولانێ و د یێن گه‌را دویێ دا ل 28 ی گولانێ” یێن سه‌رۆك كۆمارییا توركییا دا” ئه‌ردۆغان وه‌كو سه‌رۆك كۆمارێ توركییا هاته‌ هه‌لبژارتن” پارتییا چه‌پا كه‌سك د وان هه‌لبژارتنان دا شییا 61 كۆرسی یێن په‌رله‌مانێ توركییا ب ده‌ست خۆڤه‌ بینیت” دهێته‌ چاڤه‌رێكرن گوهۆرین دناڤا وێ پارتییێ دا بهێنه‌ كرن.

ناڤهاتی گۆت ژی: نوكه‌ توركییا د كریزه‌كا كوور یا ئابووری دا ده‌رباز دبیت” هندی وێڤه‌تر دچیت” ره‌وشا ئابووری ل توركییا خرابتر دبیت و لیره‌یێ توركی بهایێ خۆ ل هه‌مبه‌ری دۆلارێ ئه‌مریكی ژ ده‌ست دده‌ت” هه‌روه‌سا دناڤا جڤاتا توركییا دا دو شرۆڤه‌ دهێنه‌ كرن” ئه‌و ژی ئه‌ردۆغان دێ سییاسه‌تا خۆ یا به‌ری نوكه‌ به‌رده‌وام كه‌ت” یا دیتر ژی” ئه‌وه‌ دبیت چاره‌سه‌رییه‌كێ بۆ ره‌وشا ئابووری ب بینیت و بارێ خه‌لكێ توركییا ئارامتر و خۆشتر لێ بكه‌ت.

مه‌ولۆد هێشتا دبێژیت: په‌یوه‌ندی یێن توركییا ل گه‌ل هه‌رێما كوردستانێ ئه‌ڤه‌ چه‌ندین سالن د به‌رده‌وامن و دناڤبه‌را هه‌ردو ئالییان دا په‌یوه‌ندییه‌كا سییاسی و ئابووری هه‌یه‌” دیسان ده‌مێ ئه‌ردۆغان بوویه‌ سه‌رۆك كۆماری توركییا” سه‌رۆك بارزانی و سه‌رۆكێ هه‌رێمێ ژی پیرۆزباهی ل ئه‌ردۆغانی كر” ئه‌ڤه‌ وێ چه‌ندێ دگه‌هینیت” كو په‌یوه‌ندی یێن توركییا و هه‌رێما كوردستانێ دێ د به‌رده‌وام بن” د هه‌مان ده‌مدا ده‌رگه‌هێ سنووری یێ ئیبراهیم خه‌لیل دناڤبه‌را توركییێ و هه‌رێما كوردستانێ دا هه‌یه‌” كو ده‌رگه‌هه‌كێ ئابوورییه‌” هه‌روه‌سا دو ده‌رگه‌هێن دیتر یێن گه‌شتییاری دناڤبه‌را هه‌رێمێ و توركییا دا هه‌نه‌ و توركییا گرنگییه‌كا تایبه‌ت ب په‌یوه‌ندی یێن خۆ ل گه‌ل هه‌رێما كوردستانێ دده‌ت.

ئه‌و رۆژنامه‌ڤانه‌ دبێژیت ژی: ئه‌ڤرۆ 3 خزیرانێ سه‌رۆك كۆمارێ توركییا ره‌جه‌ب ته‌یب ئه‌ردۆغانی سویندا قانوونی خوار و بۆ سه‌رۆك كۆمارێ توركییا” ل ده‌مێ سویند خوارنێ دا” سه‌رۆكێ هه‌رێما كوردستانێ نێچیرڤان بارزانی” ئاماده‌یی‌ مه‌راسیمێن سویند خوارنێ بوو” كو ژ ئالییێ سه‌رۆك كۆمارێ توركییا هاتبوو داخواز كرن”