نادیا موراد، چالاكڤانا مافێ مرۆڤی و هەڵگرا خەلاتێ نۆبێل، سوپاسیەکا تایبەت بۆ نێچیرڤان بارزانی، سەرۆكێ هەرێما كوردستانێ دیارکریە، ژ بۆ ڕزگاركرنا شەش ژن و كچێن ئێزدی كو سپێدەهیا ڕۆژا شەمبی ڤەگەڕاندنە ڤە دناڤ مالباتێن وان دا ل کوردستانێ.
نادیا مۆراد کو ڕۆلەکێ سەرەکی د ڤەدیتن و دوڤچوون و هاریکاریکرنا وان شەش وەلاتییاندا هەبوو د بەیاننامەیەکێدا دبێژیت:”ڕزگارکرنا وان بێێ سەرۆکێ هەرێما کوردستانێ نێچیرڤان بارزانی نەدبوو، ب ڕێیا دامەزراندنا ئۆفیسەکا تایبەت ب ڕزگارکرنا ژن و کچێن ئێزدی، سەرۆکێ هەرێما کوردستانێ هاریکارییەکا زۆر یا ئێزدییان کریە تا کو ژ دەستێ داعش ڕزگارببن.”
ئاماژە کریە، ئەڤ شەش وەلاتییێن ئێزدی و گشت ئافرەتن ل سالا 2014 ژ لایێ تیرۆرستێن داعش ڤە ژ عیراقێ بەرەف سووریاڤە هاتبوونە ڕەڤاندن.
گۆتیە ژی:” هەر شەش وەلاتییێن ڕزگاربووی ب ڕێکا ئاسمانی هاتینە ڤەگەڕاندن بۆ هەولێرێ و ل وێرێ هەمی هاریکارییێن پێدڤی بۆ هاتینە ئەنجامدان.
نادیا مۆران ئاماژەکریە:” ژ هەژی گۆتنێیە هەر ژ دەستپێکا کارەساتا کۆمکوژی و ڕەڤاندنا وەلاتییێن ئێزدی ل سالا 2014، سەرۆکێ هەرێما کوردستانێ، (نڤیسینگەها ڕزگارکرنا ڕەڤاندییێن ئێزدی) دامەزراند و ب ڕێکا ئەڤێ ئۆفیسێ تا نوکە زێدەتری دوو هزار و 500 ڕەڤاندییێن ئێزدی ڕزگارکرینە و ڤەگەڕاندینە دناڤ کەسوکارێن واندا.
