لیوا عه‌بدولخالق ته‌لعه‌ت: نوكه‌ ئاریشه‌كا دیتر بۆ جۆتیارێن كورد دروست بوویه‌

ئاژانسا خانی:

نوونەرێ حکومەتا ھەرێما کوردستانێ ل فەرماندەیا ئۆپەراسیۆنێن هه‌ڤپشكێن عێراقی گۆت، پشتی كو مه‌ ئاریشا جۆتیارێن کورد ل ده‌ڤه‌رێن کوردستانی یێن دەرڤه‌یی ئیدارا ھەرێما کوردستانێ چارەسەر كری” نوكه‌ ئاریشه‌كا دیتر سه‌هه‌لدایه‌ و ئه‌م یێ بزاڤان دكه‌ین چارەسەر بکەین.

لیوا عەبدولخالق تەلعەت، زێده‌تر دیار كر: ل ده‌مێ بوری رێگری ل جۆتیارێن کورد دهاته‌ كرن ده‌مێ گەنمێ خۆ د دروی ، پشتی چه‌ندین بزاڤان سەرۆک وەزیرێن عێراقێ بریاره‌ك بۆ جۆتیارێن کورد ده‌ركر كو پارێزگاری لێ بهێته‌ كرن ژ لایێ ھێزێن ھه‌ڤپشكێن عێراقێ و نوكه‌ جۆتیارێن کورد ل ھەر سێ پارێزگه‌هێن کەرکووک و دیالە و مووسل کارێ دروینا گه‌نمی دکەن و رێگری لێ ناهێته‌ کرن” به‌لێ نوكه‌ ئاریشه‌كا دی بۆ جۆتیارێن کورد دروست بوویە، ئەو ژی پشتی ئه‌و گەنمێ خۆ د دروین نه‌شێن زه‌ڤی یێن خۆ بۆ چ کارێن دی ب کار بینن، ئەڤه‌ ل سنوورێ سەرگەڕان و چەند ده‌ڤه‌ران هه‌یە، بەلێ بۆ ڤی بابه‌تی ژی ئه‌م یێن هاتینه‌ سەرخەت و بزاڤێن مه‌ د به‌رده‌وامن داكو ئه‌ڤ ئاریشه‌ ژی بهێته‌ چاره‌سه‌ر كرن.