وەزیرێ دەرڤه‌ یێ سوورییێ: پەیوەندی یێن عێراقێ و سوورییێ د هه‌موو بیاڤێن جۆدا دا د ستراتیژینه

ئەڤرۆ ئێکشەمبی 4 ی خزیرانا 2023 ێ، فەیسەل میقداد، وەزیرێ دەرڤه‌ یێ سووریا پشتی 12 سالان ژ سەرهەلدانا شەرێ ناڤخۆ ل وی وه‌لاتی، سەره‌دانا بەغدا کر و ژلایێ فوئاد حسێن، وەزیرێ دەرڤه‌یێ عێراقێ پێشوازی لێ هاته‌ کرن و پشتی کۆمبوونەكا چەند ده‌مژمێری، هه‌ردو وەزیران کۆنگرەكێ رۆژنامەڤانی یێ هه‌ڤپشك ده‌ربارەیی پەیوەندی یێن دیمەشقێ – بەغدا، بابه‌تێ ئاوارێ سووریا و چەند بابه‌تێن دیتر ئەنجام دا.

وەزیرێ دەرڤه‌ یێ عێراقێ گۆت، “هەلویستێ عێراق ده‌ربارەیی پشته‌ڤانییێ ل گەلێ سووریا یێ نەگوهۆرە و دخوازین ل سەر ئاستێ نێڤدەولەتی و هەرێمێ ژی گاڤ بهێنه‌هاڤیتن بۆ رزگارکرنا سوورییێ ژ ڤێ ره‌وشا خرابا مرۆڤییا نوكه‌ تێدا ده‌رباز دبیت، ب تایبەتی پرسا وان پەنابەرێن سووری كو ل وه‌لاتێن ده‌وروبه‌ر د ئاكنجی” مه‌ 250 هزار پەنارێن سووری حه‌واندینه‌، پرانییا وان نوكا ل کەمپێن هەرێما کوردستانێ د ئاكنجینه‌.

فەیسەل میقداد، وەزیرێ دەرڤه‌ یێ سوورییێ” ئاماژە ب هندێ دا كو ئه‌و هەموو بزاڤان دكه‌ن بۆ ب هێزكرنا پەیوەندی یێن دناڤبه‌را دیمەشقێ و بەغدا، گۆت ژی، “پەیوەندی یێن عێراقێ و سوورییێ د هه‌موو بیاڤێن جۆدا دا د ستراتیژینه‌”.