<h3 style="text-align: justify;"><span style="font-size: 18pt;">د. پشتیوان سادق به‌رپرسێ مه‌كته‌با رێكخستنا پارتى دیموكراتى كوردستان، ل باره‌گایێ پارتى ل دهۆكێ دگه‌ل نوونه‌رایه‌تییا لژنه‌یا ئۆلمپییا پارێزگه‌ها دهۆكێ و هه‌موو ئێكه‌تییان و رێڤه‌به‌رییا سپۆرێ و یانه‌یێن پارێزگه‌ها دهۆكێ و نوونه‌رێ دهۆكێ ل لژنه‌یا ئۆلمپییا كوردستانێ كۆمبوو، به‌رپرسێ راگه‌هاندنا لژنه‌یا ئۆلمپییا دهۆكێ ژى دیاركر، به‌رپرسێ مه‌كته‌با رێكخستنا پارتى سوز دا ل دووڤ شیانان هه‌موو بزاڤان بۆ پشته‌ڤانیكرنا زێده‌تر یا پارێزگه‌هێ بكه‌ت.</span></h3> <h3 style="text-align: justify;"><span style="font-size: 18pt;">جه‌گه‌رخوین غلبیشى به‌رپرسێ راگه‌هاندنا لژنه‌یا ئۆلمپییا دهۆكێ بۆ ئاژانسا خانى دیاركر، ئه‌ڤرۆ د. پشتیوان سادق به‌رپرسێ مه‌كته‌با رێكخستنا پارتى دیموكراتى كوردستان، ل باره‌گایێ پارتى ل دهۆكێ دگه‌ل لژنه‌یا ئۆلمپییا دهۆكێ و هه‌موو ئێكه‌تییان كۆمبوو و گوهدا كێماسى و داخوازییێن هه‌موو لایه‌نان و سوزدا بزاڤێ بكه‌ت ل دووڤ شیانان پشته‌ڤانییا سپۆرێ ل پارێزگه‌ها دهۆكێ بكه‌ت.</span></h3> <h3 style="text-align: justify;"><span style="font-size: 18pt;">هه‌روه‌سا ئاشكراكر، هنده‌ك یانه‌یان داخوازا دروستكرنا یاریگه‌هان كر، هنده‌ك یانه‌یێن دیژى داخوازكر وه‌به‌رهێنانێ كر، كو یانه‌یا شێلادزێ داخوازكر یاریگه‌هه‌ك بۆ بهێته دروستكرن، یانه‌یێن وه‌كو یانه‌یا دهۆكێ ئه‌رد هه‌ى، داخواز كر وه‌به‌رهێنان د ئه‌ردێن واندا بهێته‌كرن داكو، د. پشتیوان سادقى ئاماژه ب هندێ دا، تشتێ ئێكانه یێ سپۆرێ پێشبێخیت وه‌به‌رهێنانه، ئه‌و دێ بزاڤێ كه‌ت ئه‌و پرۆژه‌یێن ماینه راوه‌ستیایى دووباره بكه‌ڤنه كارى.</span></h3> <h3 style="text-align: justify;"><span style="font-size: 18pt;">جه‌گه‌رخوین غلبیشى ئاشكراكر، پۆستێ رێڤه‌به‌رێ سپۆرێ ل كوردستانێ پشكا پارێزگه‌ها دهۆكێ بوو كو د. شاكر ئه‌حمه‌د سمۆ رێڤه‌به‌رێ وێ بۆ، لێ دنوكه‌دا ئه‌و پۆسته بۆ هه‌ولێرێ چوویه، دكۆمبوونێدا ژلایێ ئه‌ندامه‌كێ یانه‌یا دهۆكێڤه داخواز هاته‌كرن ئه‌و پۆسته بۆ پارێزگه‌ها دهۆكێ ڤه‌گه‌ریت ژبه‌ركو مافێ وێیه، د. شتیوان سادقى بۆ وان دووپاتكر، به‌رى نوكه كار ل سه‌ر ڤێ چه‌ندێ هاتییه‌كرن و دێ بزاڤێ كه‌ن جاره‌كا دى وى پۆستى بۆ پارێزگه‌ها دهۆكێ ڤه‌گه‌رینن.</span></h3> <h3 style="text-align: justify;"><span style="font-size: 18pt;">ژلایه‌كێ دیڤه به‌رپرسێ راگه‌هاندنا لژنه‌یا ئۆلمپییا دهۆكێ دیاركر، د كۆمبوونێدا داخواز ژ به‌رپرسێ مه‌كته‌با رێكخستنا پارتى ل دهۆكێ هاته‌كرن، نوونه‌رێن دهۆكێ د ئێكه‌تییا فوتبۆلا كوردستانێدا زێده‌بن، كو نوكه دهۆكێ ب تنێ ئێك ئه‌ندام د ئێكه‌تییێدا هه‌یه، وان داخواز كرییه ئه‌ندامێن دهۆكێ زێده‌بن.</span></h3>
