سەرۆک بارزانی ل سەر ئاریشا ئه‌ردێ چاندنێ ل کەرکووکێ پەیوەندی ب سەرۆك وەزیرێن عێراقێ كر

محەمەد کەمال، بەرپرسێ لقێ سێ یێ پارتی دیموکراتی کوردستان ل کەرکووکێ دیار كر: سەرۆک مەسعود بارزانی، ل گەل محەمەد شیاع سوودانی، سەرۆک وەزیرێن عێراقێ ئاخفتییه‌، ل سەر ئاریشا زەڤی یێن گوندێ تۆپزاوە و تڕکەلان ل سنوورێ کەركووکێ.

گۆتییه‌: سەرۆک بارزانی داخواز کرییە دووماهییێ ب دەستێوەردانا سەربازی بهێته‌ ئینان ل سەر ئاریشا زەڤی و زارێن کوردان ل ده‌ڤه‌رێن ڤه‌قه‌تیایی.

بەرپرسێ لقێ سێ یێ پارتی دیموکراتی کوردستان دیار كر ژی، بەغدا سۆزدایه‌ سەرۆک بارزانی، رێکارێن سەربازی رابگرن و هێز نەچیتە سەر تۆپزاوە و تڕکەلانێ.

هەروەسا سۆزدایه‌ كو بڕیارا دروستکرنا کۆمەڵگه‌هه‌كا ئاكنجیبوونێ ل ده‌ڤه‌را تڕکەڵان بۆ ئەفسەرێن سوپایێ عێراقی، بهێته‌ راگرتن.