ئهلینا رۆمانۆسكى بالیۆزا ئهمریكا ل عیراقێ راگههاند، ئێكگرتنا ناڤ مالا كورد یا گرنگه داكو ههلبژارتنێن پهرلهمانێ كوردستانێ ب زووترین دهم بهێنهكرن و ههماههنگییهكا باش دگهل ئهمریكا ب تایبهتى دپرۆسهیا چاكسازییێ ل وهزارهتا پێشمهرگهی و رووبرووبوونا داعشێدا ههبیت.
بالیۆزا ئهمریكا ل عیراقێ ل باژێرێ سلێمانییێ دگهل رۆژنامهڤانان كۆمبوو و دانوستاندن ل سهر چهند بابهتان كر.
ئهلینا رۆمانۆسكییێ ل دۆر رهوشا ههرێما كوردستانێ و عیراقێ گوت: ئهو ههموو لایهنێن ههرێمێ پال ددهن پێكڤه كاربكهن و جۆداهییان نههێلن، داكو بشێن بهرسڤا داخوازى و پێدڤییێن خهلكى بدهن، بێگۆمان ئهو پشتهڤانییا نههێلانا جۆداهییان دكهن، ژبهركو ب شێوهیهكێ سهرهكى ئهو خهلكه ژبهر نهبوونا ئێك رێزییێ ئازاران دبینن، ئهو وهسا دبینن ههبوونا ههرێمهكا كوردستانێ یا ب هێز د چارچووڤێ حكومهتا فیدرالدا، دێ بیته ئهگهرێ پشتراستبوونێ ژ سهقامگیركرنا ئاسایشێ، ژبهر هندێ كاركرنا پێكڤه گهلهك یا گرنگه.
گوت ژى : كارێ ل پێشییا وان پێدڤى ب ئێكگرتنێ و دابینكرنا سهقامگێرییێ ژ چارچووڤێ دهستوورێ عیراقێ و چاكسازى د وهزارهتا پێشمهرگهیدایه، ههروهسا ئێك ژ كارێن ل پێشییا وان ب هێزكرنا حكومهتا ههرێمێ و عیراقێ ب تایبهت د بوارێ سهربهخۆیا وزێدایه ب رێكا پێشڤهبرنا كهرتێ گازا سروشتییا ههرێما كوردستانێ و دهربازكرنا قانوونهكا ههردهمى یا نهفت و گازێ.
