كۆمبوونا مه‌كته‌با سیاسییا پارتى دیمۆكراتى كوردستان ب سه‌رۆكایه‌تییا سه‌رۆك بارزانى ل دۆر چه‌ند بابه‌تێن تایبه‌ت ب هه‌رێما كوردستانێ و عیراقێ ده‌ستپێكر، ل دووڤ زانیارییان بریارا رۆژا 30ى هه‌یڤا بوورى یا دادگه‌ها بلندا فیدرالى و بابه‌تێ ره‌شنڤیسێ بودجه‌یا عیراقێ و هه‌لبژارتنێن په‌رله‌مانێ كوردستانێ دیارترین ئه‌و سێ بابه‌تن یێن كو دێ دكۆمبوونێدا هێنه به‌حسكرن.
كۆمبوون ب سه‌رۆكایه‌تییا سه‌رۆك بارزانییه و چه‌ند بابه‌تێن گرێداى عیراقێ ژى دێ هێنه به‌حسكرن، ژ وان ژى ره‌شنڤیسا بودجه‌یا سالا 2023ێ یا عیراقێ كو بریاره ئه‌ڤرۆ ل په‌رله‌مانى بهێته په‌سه‌ندكرن و هه‌تا نوكه‌ژى رێككه‌ڤتنا دووماهییێ ل دۆر مادده‌یێن 13 و 14 یێن تایبه‌ت ب هه‌رێما كوردستانێ نه‌هاتییه‌كرن، سه‌ربارى كو هه‌ردوولایه‌ن ل سه‌ر ژماره‌‌كا برگه‌یان دكۆكن و ب سازانێ گه‌هشتینه رێككه‌ڤتنێ.
