خالد ڕێکانی: تا نوکە ڕەشنڤیسێ دوماهیێ یێ بودجێ نە گەهشتیە پەرلەمانتاران

بڕیارە پشتی چەند دەمژێرێن دی جڤاتا نوونەرێن عیراقێ دەنگ ل سەر پڕۆژە یاسایا بودجەیا گشتی یا عیراقێ ب دەت و تا نوکە ڕەشنڤیسێ بودجەیا گشتی نە گەهشتیە پەرلەمانتاران.

 خالد ڕێکانی، ئەندامێ جڤاتا نوونەرێن عیراقێ بۆ ئاژانسا خانی ڕاگەهاند، بڕیارە ل ڕۆژا پێنجشەمبی 8 خزیرانا 2023، ل دەمژمێر 1:00 نیڤرۆ جڤاتا نوونەرێن عیراقێ بۆ دانگدانێ لسەر پڕۆژە یاسایا بودجێ کۆمببیت و تا نوکە ڕيشنڤیسێ دوماهیێ یێ بودجەیا گشتی بۆ دەنگدانێ نە گەهشتیە پەرلەمانتاران.

 وی ئەندامێ جڤاتا نوونەرێن عیراقێ دیارکر، بڕیارە سپێدەهیا ڕۆژا پێنچ شەمبی ئانکو چەند دەمژمێرێن کێم بەری کۆمبوونا جڤاتا نوونەران، ڕەشنڤیسێ بودجێ بۆ پێداچوونا برگە و خالێن تێدا دیارکری بگەهیتە دەستێ پەرلەمانتاران.

 گۆتژی:”تا نوکە پەیوەندییێن پارتی دگەل لایەنێن سیاسی یێن عیراقێ د ڕەوشەکا باش دانە و ئەم د گەشبینن کو دێ پڕۆسەیا پەسەندکرنا پڕۆژە یاسایا بودجێ ب باشی دەربازبیت، لێ ئەگەر ئەو خالێن د ڕەشنڤیسێ دوماهیێ یێ بودجێ دا هاتین ل دژی ڕێککەفتنا دناڤبەرا حکومەتا هەرێمێ و بەغدا دا بوون، ئەم پشکداریێ د کۆمبوونا پەرلەمانی دا ناکەن و دەنگ ب پڕۆژە یاسایا بودجێ نادەین.”

 خالد ڕێکانی گۆت:” هندەک لایەنێن سیاسی یێن کوردی هەنە مل ب ملێ هندەک ژ لایەنێن دوژمنێن کوردستانێ دژایەتیا مافێن کوردان دکەن، لێ تا نوکە ژی ئەم وەک فڕاکسیۆنا پارتی تاکە لایەنێ کوردی بووینە ب ناڤێ هەرێما کوردستانێ و ب هەمی شیانێن خۆ مە بەڕەڤانیی ژ مافێن خەلکێ کوردستانێ کریە و دێ بەردەوام بین ژ بۆ پاراستنا مافێن دەستووری یێن کوردان ل عیراقێ و ب چ ڕەنگان ڕێکێ نادەین نە دادپەروەری ل سەر مافێن کوردان بهێتە کرن.”