<h3 style="text-align: justify;"><span style="font-size: 18pt;">پهیڤدارێ سهرۆكایهتییا ههرێما كوردستانێ راگههاند، شاندێ سهرۆكایهتییا ههرێما كوردستانێ سهرهدانا كۆمیسیۆنا ههلبژارتنێن عیراقێ كر بۆ دانوستانكرنێ دهربارهى كرنا ههلبژارتنێن خۆلا شهشێ یا پهرلهمانێ كوردستانێ، ههڤدهم راگههاند، كۆمیسیۆنا ههلبژارتنێن عیراقێ ئامادهییا خوه بۆ كرنا ههلبژارتنێن پهرلهمانێ كوردستانێ نیشاندا.</span></h3> <h3 style="text-align: justify;"><span style="font-size: 18pt;">دلشاد شههاب پهیڤدارێ سهرۆكایهتییا ههرێما كوردستانێ د پریسكۆنفرانسهكیدا راگههاند، شاندێ سهرۆكایهتییا حكومهتا ههرێما كوردستانێ ل بهغدا سهرهدانا كۆمیسیۆنا بلندا ههلبژارتنێن عیراقێ كر، بۆ دانوستاندكرنێ دهربارهى پێنگاڤێن كرنا ههلبژارتنێن خۆلا شهشێ یا پهرلهمانێ كوردستانێ.</span></h3> <h3 style="text-align: justify;"><span style="font-size: 18pt;">ههروهسا راگههاند، وان داخواز ژ كۆمیسیۆنا ههلبژارتنێن عیراقێ كر سهرپهرشتییا ههلبژارتنێن ههرێما كوردستانێ ب ستۆیێ خۆڤه بگریت، داكو ههلبژارتن د دهمێ خوه یێ دیاركریدا بهێنهكرن و ئێدى نههێنه پاشخستن.</span></h3> <h3 style="text-align: justify;"><span style="font-size: 18pt;">دلشاد شههابى بهحس ل هندێ ژى كر، كۆمیسیۆنا ههلبژارتنێن عیراقێ، ئهڤ پێنگاڤا سهرۆكایهتییا ههرێما كوردستانێ و دهستپێكا كارێن وان گهلهك ب ئهرێنى زانین، ئامادهییا خوه یا تمام نیشاندا كو ب ههماههنگى دگهل لایهنێن پهیوهندیدار و سهرۆكایهتییا ههرێما كوردستانێ دهست ب ئامادهكارییان بۆ كرنا ههلبژارتنێن پهرلهمانێ كوردستانێ بكهن.</span></h3> <h3 style="text-align: justify;"><span style="font-size: 18pt;">پهیڤدارێ سهرۆكایهتییا ههرێما كوردستانێ ئاماژه ب هندێ دا، كۆمیسیۆنا ههلبژارتنێن عیراقێ چ ژڤان بۆ كرنا ههلبژارتنێن كوردستانێ دیار نهكرن، ژبهركو وهكو ئهو بهحس دكهن ئهولهوییهتا كارێن وان كرنا ههلبژارتنێن جڤاتا پارێزگههێن عیراقێنه، پاش دێ ژڤانهكى بۆ ههلبژارتنێن پهرلهمانێ كوردستانێ دیاركهن.</span></h3> <h3 style="text-align: justify;"><span style="font-size: 18pt;">گوت ژى : وان حهزدكر كۆمیسیۆنا كوردستانێ سهرپهرشتییا ههلبژاتنان بكهت، لێ سهرپهرشتیكرنا كۆمیسیۆنا ههلبژارتنێن عیراقێ كارهكێ ئاساییه، ژبهركو خۆلا دووێ و خۆلا سێیێ و خۆلا چارێ ژ ههلبژارتنێن پهرلهمانێ كوردستانێ ژلایێ كۆمیسیۆنا ههلبژارتنێن عیراقێڤه هاتبوونه ب رێڤهبرن.</span></h3>
