ل نهخۆشخانهیهكا باژێرێ كهركووكێ ب نشتهرگهرییێ رهگهزێ كهسهكێ 19 سالى ژ مێ بۆ نێر هاته ڤهگۆهاستن.
سامان یابه پهیڤدارێ فهرمانگهها ساخلهمییا كهركووكێ دیاركر، تیمهكا نوشدارى ل نهخۆشخانهیا گشتییا فێركارییا كهركووكێ نشتهرگهرییهك بۆ كهسهكێ 19 سالى كر و رهگهزێ وى ژ مێ بۆ نێر ڤهگۆهاست.
گوت ژى: بهحسا هندێ دهاتهكرن كو ئهڤ نشتهرگهرییه ژ دهرڤه وهلاتى بهێتهكرن، لێ ل نهخۆشخانهیا كهركووكێ ب سهركهڤتییانه هاتهكرن.
نوشدار حهیدهر حسێن كو سهرپهرشتییا وێ نشتهرگهرییهكێ دكر ، راگههاند، ئه نشتهرگهرییه یا راستكرنا رهگهزێ وى كهسێ 19 سالى بوو، كو وهكو كچ گههشتبوو، بهرى پێنج سالان پشكنین بۆ هاتبوونهكرن و دهركهڤتبوو ئهندامێ ژ ناڤدا یێ وى كهسى و كرۆمۆسۆماتێن وى د نێرن و ب تنێ ئهنداوێ زاوزێ یێ مێیه، لهوما ل كهركووكێ نشتهرگهرییهكا راستكرنا رهگهزى ب سهركهڤتییانه بۆ هاته كرن.
