<h3 style="text-align: justify;"><span style="font-size: 18pt;">سه‌رۆك بارزانى ل پیرمام پێشوازى ل هژماره‌كا هونه‌رمه‌ندێن كوردستانێ كر.</span></h3> <h3 style="text-align: justify;"><span style="font-size: 18pt;">د دیداره‌كێدا سه‌رۆك بارزانى زێده‌بارى ب خێرهاتنا گه‌رما مێڤانان، پێزانین بۆ رۆلێ هونه‌رمه‌ندێن كوردستانێ یێ د مێژوو و گه‌شه‌یا كولتوورى و هووشیاركرنا گه‌لێ كوردستانێدا هه‌ی پێشكێشكرن و دووپاتى ل هندێ كر، ئه‌و رۆلێ هونه‌رمه‌نده‌ك بۆ ناساندنا گه‌لێ خوه د گێریت، گه‌له‌ك ژ رۆل و كارتێكرنا سیاسییان د ناساندنا دۆزا گه‌لێ كوردستانێدا مه‌زنتره.</span></h3> <h3 style="text-align: justify;"><span style="font-size: 18pt;">هه‌روه‌سا سه‌رۆك بارزانى ئه‌وژى بۆ مێڤانان دیاركر، پێدڤییه هونه‌ر دخزمه‌تا دۆزا ره‌وایا گه‌لێ كوردستانێدا بیت و ببیته ئه‌گه‌رێ كووركرنا حه‌ژێكرنا نیشتیمانى و پێكڤه‌ژیان و مرۆڤ دوستایه‌تییێ.</span></h3> <h3 style="text-align: justify;"><span style="font-size: 18pt;">دپشكه‌كا دییا وێ دیدارێدا سه‌رۆك بارزانى هه‌ڤسۆزییا خوه دگه‌ل ئاریشه و داخوازییێن هونه‌رمه‌ندێن كوردستانی نیشاندا و راگه‌هاند، ئه‌و ب هه‌موو شیانان پشته‌ڤانێ داخوازییێن هونه‌رمه‌ندایه و حه‌زا هندێ هه‌یه كو هونه‌رمه‌ند بشێن ب ئاسایى و بێى ئاریشه خزمه‌تا پێشخستنا فه‌رهه‌نگ و هونه‌رێ كوردستانێ بكه‌ن.</span></h3> <h3 style="text-align: justify;"><span style="font-size: 18pt;">د پشكه‌كا دییا ئاخڤتنێن خوه‌دا سه‌رۆك بارزانى روونكرنه‌ك ل دۆر ره‌وشا سیاسی دا مێڤانان.</span></h3> <h3 style="text-align: justify;"><span style="font-size: 18pt;">دهه‌مان دیداردا پشكه‌ك ژ مێڤانان هزر و بوچوون و پێشنیازێن خوه ل دۆر ئاریشه و ئاسته‌نگێن هونه‌رمه‌ندان و داخوازییێن وان بۆ سه‌رۆك بارزانى به‌حسكرن.</span></h3>
