دوهی ڕۆژا ئەینی و دگەل گرتنا دەرگەهێ بازاڕێن جیهانی بهایێ پەترۆلێ زێدەتری ئێك دۆلار داكەفت. ب ڤی ڕەنگی ژی بۆ دەمێ دوو حەفتییان ل دویڤ ئێك پەترۆلێ بهایێ خۆ ژدەستدا.
بهایێ پەترۆلا برێنت 1 دۆلار و 17 سەنتان داكەفت و ب 74 دۆلار و 79 سەنتان بازاڕ پێ هاتەكرن. بهایێ خاڤا تێكساس ژی 1 دۆلار و 12 سەنتان داكەفت و ب 70 دۆلار و 17 سەنتان بازاڕ پێ هاتەكرن.
پشتی بەلاڤبوونا نووچەیەكی ل ڕۆژا پێنجشەمبی كو ئیران و ئەمریكا نێزیكی ڕێكەفتنێ بووینە، بهایێ پەترۆلێ زێدەتری 3 دۆلاران داكەفت. هەرچەندە پشتی وان هەردوو وەلاتان ئەو نووچەیە ڕەتكری بهایێ پەترۆلێ نێزێكی 1 دۆلار بلندبوو، لێ ئاشكەرابوو بهایێ پەترۆلێ چەند یێ هەستیارە ب روودانێن جیۆسیاسی.
